نئی دہلی، 09 اگست (انڈیا نیرٹیو)

ملک میں کورونا کے نئے کیسز میں معمولی کمی آئی ہے۔ گزشتہ 24 گھنٹوں کے دوران، کورونا کے کل 35 ہزار 499 نئے مریض سامنے آئے ہیں، جب کہ 447 افراد اس بیماری کی وجہ سے ہلاک ہوئے۔ ساتھ ہی صحت یاب ہونے والے مریضوں کی تعداد 39 ہزار 686 ہے۔

مرکزی وزارت صحت کے مطابق، ملک میں مثبت شرح میں معمولی اضافہ ہوا ہے۔ گزشتہ 24 گھنٹوں میں مثبت شرح 2.59 فیصد رہی ہے۔

پیر کی صبح مرکزی وزارت صحت کے مطابق، ملک میں اب تک کل تین کروڑ، 19 لاکھ سے زیادہ کورونا کے کیس رپورٹ ہوئے ہیں۔ اس بیماری سے اب تک چار لاکھ، 28 ہزار، 309 افراد ہلاک ہو چکے ہیں۔ فعال مریضوں کی تعداد بڑھ کر چار لاکھ، 02 ہزار، 188 ہوگئی ہے۔ اب تک تین کروڑ، 11 لاکھ، 39 ہزار، 457 مریض کورونا سے صحت یاب ہو چکے ہیں۔

پچھلے کچھ دنوں سے کورونا سے صحت یاب ہونے والوں کی تعداد نئے کیسز سے زیادہ ہے۔ صحت یابی کی شرح بہتر ہوئی ہے۔ گزشتہ 24 گھنٹوں کے دوران ملک میں صحت یابی کی شرح 97.40 فیصد ہے۔

اس کے ساتھ ہی ملک میں گزشتہ 24 گھنٹوں کے دوران 13 لاکھ سے زائد ٹیسٹ کیے گئے۔ آئی سی ایم آر کے مطابق، ملک میں اب تک کل 48.17 کروڑ ٹیسٹ ہو چکے ہیں۔ اب تک ملک میں کورونا ویکسین کی 50.86 کروڑ خوراکیں دی جا چکی ہیں۔

ریاستوں کوکورونا ویکسین کی 52.40 کروڑ خوراکیں فراہم کی گئیں: مرکزی حکومت

مرکزی وزارت صحت اب تک ریاستوں اور مرکز کے زیر انتظام علاقوں کو کورونا وائرس ویکسین کی 52.40 کروڑ خوراکیں فراہم کر چکی ہے۔ ریاستوں کے پاس ابھی تک ویکسین کی 2.33 کروڑ خوراکیں موجود ہیں۔

مرکزی وزارت صحت کے مطابق، ریاستوں نے لوگوں کو اب تک 50.40 کروڑ خوراکیں دی ہیں اور 2.33 کروڑ خوراکیں اب بھی ان کے پاس دستیاب ہیں۔ مرکزی حکومت نے ریاستوں کو 8.39 لاکھ سے زیادہ خوراکیں بھیجی ہیں۔