وزیر اعلیٰ کے بعد اب لیفٹیننٹ گورنر کو بھی ویکسین لگائی گئی

نئی دہلی ، 04 مارچ (انڈیا نیرٹیو)

دہلی کے وزیر اعلیٰ اروند کیجریوال اور ان کے والدین کے بعد ، دہلی کے لیفٹیننٹ گورنر انیل بیجل اور ان کی اہلیہ مالا بیجل کو بھی جمعرات کی صبح کو تیرتھ رام شاہ اسپتال میں ٹیکہ لگایا گیا۔وہیں وزیر اعلی ٰاروند کیجریوال جوذیابیطس کے مریض ہیں اور اسی وجہ سے وہ شریک مرض کے زمرے میں آتے ہیں۔

انہیں ویکسین لگانے کے بعد ان تینوں کو آدھے گھنٹے تک مشاہدہ میں رکھا گیا تھا ، لیکن اس دوران انھیں کسی پریشانی کا سامنا نہیں کرنا پڑا۔ ویکسی نیشن کے بعد ، وزیر اعلیٰ نے کہا کہ یہ مکمل طور پر محفوظ ہے۔

 اس کے ساتھ ہی ، انہوں نے کہا کہ میں اور میرے والدین دونوں نے لوک نائک جئے پرکاش (ایل این جے پی) میں ٹیکہ لگایا ہے۔ہمیں کسی بھی قسم کی پریشانی کا سامنا نہیں کرنا پڑا ، آپ دیکھیں کہ ہم آپ کے سامنے ہیں سب صحت مند ہیں۔ انہوں نے کہا کہ میں ہر ایک سے اپیل کرنا چاہتا ہوں کہ یہ بہت اچھی بات ہے کہ اب کورونا سے چھٹکارا پانے کے لیے ویکسین دستیاب ہے۔ 

اسپتال میں ویکسی نیشن کی سہولت کے بارے میں ، وزیر اعلی ٰنے کہا کہ ایل این جے پی میں یہاں بہت اچھی سہولت موجود ہے۔ تمام ڈاکٹر بہت اچھے ہیں اور اسپتال نے بہت اچھے انتظامات کیے ہیں۔ سب کو ویکسین لگانی چاہئے ، اب ڈرنے کی کوئی بات نہیں ہے۔ اس سے پہلے جو کچھ لوگوں کے ذہنوں میں تھے وہ تمام شکوک و شبہات ختم ہوگئے ہیں۔