کورونا کی تحقیقات کے بعد ہی ڈزنی لینڈ تھیم پارک سے باہر نکلنے کی اجازت دی گئی

شنگھائی، یکم نومبر (انڈیا نیرٹیو)

 چین میں کورونا کا کہرام سر چڑھ کر بولنا شروع ہو گیا ہے۔ حکومت نے کئی شہروں میں لاک ڈاؤن نافذ کر دیا ہے۔ شنگھائی میں قائم تھیم پارک ڈزنی لینڈ اچانک بند ہو گیا ہے۔ ڈزنی لینڈ کے اندر ہزاروں افراد کو قید کیا گیا اور انہیں کورونا کی تحقیقات کے بعد ہی باہر جانے کی اجازت دی گئی۔

چین میں کورونا وائرس کی وبا دوبارہ شدت اختیار کرتے ہی حکومت متحرک ہوگئی ہے۔ ملک کے کئی شہروں میں لاک ڈاؤن نافذ ہے۔ چین کے بڑے شہر شنگھائی میں واقع مشہور ڈزنی لینڈ تھیم پارک کو اچانک بند کر دیا گیا۔ اس وقت ڈزنی لینڈ کے اندر ہزاروں لوگ موجود تھے۔ اچانک قید کیے گئے ان ہزاروں افراد کو واضح طور پر کہہ دیا گیا کہ انہیں کورونا کی جانچ کے بغیر باہر جانے کی اجازت نہیں دی جائے گی۔ تمام لوگ دیوار پر چڑھ کر باہر نکلتے نظر آئے۔ بعد ازاں ڈزنی لینڈ انتظامیہ کی جانب سے سوشل میڈیا پر پیغام جاری کرتے ہوئے تھیم پارک اور اس کے اطراف کی سہولیات کو اگلے احکامات تک بند رکھنے کا اعلان کیا گیا۔

جان ہاپکنز یونیورسٹی کے ماہرین نے بتایا کہ صرف شنگھائی میں ہی گزشتہ 28 دنوں میں کورونا وائرس سے 595 افراد ہلاک ہو چکے ہیں۔ یہاں کل 64,282 کیس درج کیے گئے ہیں۔ چین میں گزشتہ ایک ماہ کے دوران 1,78,178 کیسز درج کیے گئے ہیں۔ گزشتہ ماہ ملک کی حکمران کمیونسٹ پارٹی اور اس کے رہنما شی جن پنگ نے اشارہ دیا تھا کہ صفر کوویڈ پالیسی میں کوئی نرمی نہیں کی جائے گی۔ اس وقت چین کے بڑے شہروں میں 200 سے زائد مقامات پر لاک ڈاؤن نافذ ہے۔