نئی دہلی، 11 فروری

نیتی آیوگ کے رکن صحت  ڈاکٹر وی کے پالے  آج  کہا کہ ملک میں کووڈ-19 کی مجموعی صورتحال پر امید ہے، تاہم، ہندوستان حفاظت کے دامن کو پکڑے رہنا ضروری ہے۔ ایک پریس بریفنگ سے خطاب کرتے ہوئے، ڈاکٹر پال نے کہا، "مجموعی طور پر  کووڈ۔ 19 کی صورتحال بہت پر امید ہے۔ تاہم، کیرالہ، میزورم، ہماچل پردیش سمیت کچھ ریاستوں میں اب بھی بڑی تعداد میں کیس رپورٹ ہو رہے ہیں۔ ہم  ابھی حفاظت کے دامن  کو نہیں چھوڑ سکتے۔چوکس رہنے کی ضرورت پر زور دیتے ہوئے، انہوں نے کہا، "دنیا اس وائرس کے بارے میں سب کچھ نہیں جانتی۔ یہ وائرس کا خاتمہ نہیں ہے، یہ بہتر طور پر ابھرنے کی کوشش کرے گا اور  چوکسی اور احتیاطکو جاری رکھنا چاہیے۔

 انہوں نے مزید کہا کہ ہمنے اس کی وبائی بیماری اور وائرس کے بارے میں بہت کچھ سیکھا ہے، لیکن دنیا اس وائرس کے بارے میں سب کچھ نہیں جانتی۔ دنیا کو اس وائرس سے لڑنے کے لیے متحد رہنا چاہیے اور ہمارے اختیار میں موجود آلات کا استعمال جاری رکھنا چاہیے۔ مرکزی وزارت صحت کے جوائنٹ سکریٹری، لو اگروال  پریف بریفنگ کے دوران کہا کہ  ہندوستان میں، چار ریاستوں میں اس وقت 50,000 سے زیادہ فعال کوویڈ کیسز ہیں جن میں کیرالہ، مہاراشٹر، تمل ناڈو، اور کرناٹک شامل  ہیں۔ 11 ریاستوں میں 10,000 سے 50,000 کے درمیان فعال کیسز ہیں۔

اگروال نے بتایا کہ 18 سال سے زیادہ عمر کی 96 فیصد ہندوستانی آبادی کو کووڈ ویکسین کی پہلی خوراک مل چکی ہے، جب کہ 78 فیصد کو دوسری خوراک ملی ہے۔ انہوں نے مزید کہا کہ 1.61 کروڑ کے قریب احتیاطی خوراکیں بھی دی گئی ہیں، جبکہ 15-18 سال کی عمر کے 69 فیصد افراد کو کووڈ ویکسین کی پہلی خوراک کے ساتھ ٹیکہ لگایا گیا ہے۔ اس کے بعد جوائنٹ سکریٹری نے کووڈ انفیکشن کے پھیلاؤ میں سست روی کو ظاہر کرنے کے لیے اعداد و شمار پیش کیے، اور کہا، 24 جنوری کو یومیہ مثبتیت کی شرح 20.75 فیصد ریکارڈ کی گئی تھی، جو اب کم ہو کر 4.44 فیصد رہ گئی ہے۔ اس سے ظاہر ہوتا ہے کہ اب انفیکشن کے پھیلاؤ کی شرح میں نمایاں کمی آئی ہے۔