ممبئی،19مارچ(انڈیا نیرٹیو)

کورونا کا قہر سب سے زیادہ مہاراشٹر میں دیکھنے میں آرہا ہے او ر وہ ملک کا کورونا کیپیٹل بنتا جا رہا ہے۔ کل یعنی جمعرات کو وہاں کورونا کے لگ بھگ 26 ہزار نئے معاملے رپورٹ ہوئے ہیں جو اس سال میں ایک دن میں سب سے زیادہ ہیں۔ واضح رہے ملک کے دس اضلاع جہاں سب سے زیادہ کورونا کے نئے معاملے رپورٹ ہوئے ہیں ان دس میں سے نو اضلاع کا تعلق مہاراشٹر سے ہے۔

مہاراشٹر میں جمعرات کو کورونا وبا سے متاثرین کی تعداد 25,833رہی اور ان نئے معاملوں کو ملا کر ریاست میں کورونا متاثرین کی کل تعداد 23 لاکھ 96 ہزار 340 ہو گئی ہے۔ جمعرات کو 58 مریضوں کی موت ہوئی اور ریاست میں ابھی تک 53 ہزار لوگوں کی کورونا کی وجہ سےموت ہو چکی ہے۔یہ کہا جا رہا ہے کہ ریاست مہاراشٹر میں کورونا کی دوسری لہر کی شروعات ہو چکی ہے۔اعداد و شمار کے مطابق ایک دن میں 12 ہزار سے زیادہ مریضوں کی شفایابی کے بعد چھٹی ہو چکی ہے۔مہاراشٹر کے ناگپور شہر میں کورونا کا خوف بدستور جاری ہے اور لگاتار دوسرے دن بھی وہاں سے سب سے زیادہ کورونا کے معاملے رپورٹ ہوئے ہیں۔ وہاں کل 2926 نئے کیس رپورٹ ہوئے جب کہ ممبئی میں 2877 اور پونے میں 2791 نئے کیس رپورٹ ہوئے ہیں۔

شمال مشرق میں کورونامتاثرین کی تعداد 333284 ہوئی

شمال مشرق کی سکم سمیت آٹھ ریاستوں میں ، کورونا مریضوں کی تعداد کم ہورہی ہے اور صحت یاب ہونے والے مریضوں کی شرح تیزی سے بڑھ رہی ہے۔ شمال مشرق میں گذشتہ 24 گھنٹوں کے دوران ، 47 نئے مریضوں کی شناخت کی گئی ہے۔ متاثرہ افراد کی کل تعداد 334384 ہوگئی ہے جس میں سے 330020 مریض صحت یاب ہوچکے ہیں۔ پچھلے 24 گھنٹوں کے دوران ، مجموعی طور پر 23 مریض مکمل طور پرصحت یاب ہوگئےہیں جبکہ 440 مریض مختلف اسپتالوں میں زیر علاج ہیں۔ کورونا سے متاثرہ 2301 مریض فوت ہوگئے ہیں جبکہ 05 مریض شمال مشرق سے باہر منتقل ہوگئے ہیں۔

آسام میں 33 نئے کورونا سے متاثرہ نئے مریضوں کی شناخت کی گئی ہے۔ ریاست میں کورونا مریضوں کی کل تعداد 217905 ہے جب کہ 215160 مریض صحت یاب ہوچکے ہیں۔ گذشتہ 24 گھنٹوں کے دوران ، 14 مریض صحت مند تھے۔ مختلف اسپتالوں میں 298 مریضوں کا علاج کیا جارہا ہے۔ دریں اثنا ، 1100 مریض فوت ہوچکے ہیں اور 03 مریض ریاست سے باہر چلے گئے ہیں۔

تریپورہ میں 03 نئے کورونا سے متاثرہ مریضوں کی شناخت ہوگئی ہے۔ ریاست میں کورونا مریضوں کی کل تعداد 33441 ہے جب کہ33018 مریض صحت یاب ہوچکے ہیں۔ پچھلے 24 گھنٹوں میں 02 مریض صحت یاب ہوئے ہیں۔ مختلف اسپتالوں میں 11 مریضوں کا علاج جاری ہے۔ اس دوران 388 مریض دم توڑ چکے ہیں۔ منی پور میں ، 02 نئے کورونا سے متاثرہ مریضوں کی شناخت ہوگئی ہے۔ ریاست میں کورونا مریضوں کی کل تعداد 29325 ہے جبکہ 28924 مریض صحت یاب ہوچکے ہیں۔ پچھلے 24 گھنٹوں میں 02 مریض صحت یاب ہوئے ہیں۔ مختلف اسپتالوں میں 28 مریض زیر علاج ہیں۔ اس دوران 373 مریض لقمہ اجل بن چکے ہیں۔اروناچل پردیش میں ، کورونا سے متاثرہ 01 نئے مریض کی شناخت ہوگئی ہے۔ ریاست میں کورونا مریضوں کی کل تعداد 16842 ہے جب کہ 16783 مریض صحت یاب ہوچکے ہیں۔ مختلف اسپتالوں میں 03 مریضوں کا علاج جاری ہے۔ اس دوران 56 مریض دم توڑ چکے ہیں۔

کورونا کی دوسری لہر کو لے کر بہار میں صحت اہل کاروں کی چھٹی منسوخ

بہار میں گزشتہ 24 گھنٹے میں کورونا معاملے کی تعداد 58 سے 107 ہوگئی ہے۔ راجدھانی پٹنہ میں نئے معاملے 14 سے 26 پہنچ گئے ہیں۔ ریاست کے ڈاکٹرسمیت سبھی صحت اہلکاروں کی چھٹی منسوخ کر دی گئی۔ کورونا کے بڑھتے معاملے کو دیکھتے ہوئے محکمہ صحت بہار نے ایسا قدم اٹھایا ہے۔ راجدھانی پٹنہ میں اوڈیشہ سے آئے ایک نوجوان میں کورونا کی تصدیق کے بعد کنٹیکٹ ٹریسنگ کا کام تیز کر دیاگیا ہے۔ 

صحت اہلکاروں کی چھٹی منسوخ 

ریاست کے ڈاکٹروں سمیت تمام صحت اہلکاروں کی چھٹی منسوخ کر دی گئی ۔ کورونا کے بڑھتے معاملے کو لیکر ایسا کیا جارہا ہے ۔ ہولی میں معا ملہ بڑھنے کی امید ہے۔ ایسے میں چوکسی کو لیکر تیاری کی جارہی ہے۔ مریضوں کی تعداد بڑھنے کے ساتھ ہی کورونا کی واپسی کے امکان کے پیش نظر محکمہ صحت نے تمام ڈاکٹروں اور صحت اہلکاروں کی چھٹیاں منسوخ کر دی   ہیں۔ چھ اپریل تک کے ڈاکٹروں اور صحت اہلکاروں کی چھٹیاں منسوخ رہیں گی۔ ساتھ ہی ساتھ جو چھٹی پر تھے انہیں بھی ڈیوٹی جوائن کرنے کو کہا گیا ہے۔ محکمہ صحت سے موصولہ اطلاع کے مطابق 15 مارچ کو ریاست میں 26 متاثرہ ملے تھے۔ اس کے اگلے روز 16 مارچ کو یہ تعداد بڑھ کر 49 ہوگئی۔ 17 مارچ کو مریضوں کی تعداد 58 تھی اور 18-19 مارچ کو ریاست میں 107 متاثرہ ملے ہیں۔ حکومت کی طرف سے لگاتار ہوائی اڈہ سے لے کر ریلوے اسٹیشن اور بس اڈہ تک پر اسکریننگ کا کام چل رہا ہے۔ 

پٹنہ کے بعد بھاگلپور سب سے زیادہ حساس ہوتا جارہا ہے۔ پٹنہ میں 26 معاملہ پہنچا ہے وہیں بھاگلپور میں بدھ کے روز 17 نئے معاملے آئے تھے۔دونوں اضلاع کے انتظامی عہدیداروں کے سامنے بڑا چیلنج ہے۔ کورونا کے کل نئے  معاملوں  میں ارول اور ارریہ میں ایک ایک معاملہ آیا ہے۔ اورنگ آباد میں دو، بھوجپور میں چار، دربھنگہ اور مشرقی چمپارن میں تین۔ تین نئے معاملے آئے ہیں۔ گیا میں دو، کٹیہار میں تین ، کشن گنج میں چار، مدھے پورہ میں دو اور مدھوبنی میں چھ نئے معاملے آئے ہیں۔ مونگیر اور مظفر پور میں چار۔ چار معاملے آئے ہیں ۔ جب کہ نالندہ میں سات نئے معاملے سامنے آئے ہیں۔ نوادہ میں دو معاملے آئے ہیں۔ روہتاس میں چھ نئے معاملے آئے ہیں۔ سمستی پور میں تین، سارن میں دو، شیخ پورہ میں ایک ، سیتامڑھی میں دو ، سیوان میں چار، ویشالی میں ایک اور مغربی چمپارن میں دو نئے معاملے آئے ہیں۔ 

وزیر اعلی ٰنتیش کمار نے بھی اس معاملے میں افسران کو ہدایات جاری کی ہیں۔ 21 مارچ کو وزیر اعلی خود کورونا کو لے کر جائزہ میٹنگ کریں گے۔ ملک بھر میں گزشتہ 24 گھنٹوں کے اندر کورونا کی وجہ سے 172 لوگوں کی موت ہوئی ہے۔ ان میں سب سے زیادہ مہاراشٹر کے 84 اور پنجاب کے 35 لوگ شامل ہیں۔ ہولی کے موقع پر خصوصی احتیاط  کی اپیل لوگوں سے کی گئی ہے۔