ڈاکٹر مہوش نور
اگر آپ موسم سرما میں وٹامن ڈی کو اپنی خوراک کا حصہ بنانا چاہتی ہیں تو اس دلچسپ نسخے کو ضرور آزمائیں۔
جب سردی کا موسم آتا ہے تو اکثر لوگوں کو اچھی مقدار میں وٹامن ڈی نہیں مل پاتا ہے۔در اصل اس موسم میں سورج کی روشنی اکثر نہیں آتی ہے۔ایسے میں ضروری ہو جاتا ہے کہ آپ اپنی خوراک کے ذریعے وٹامن ڈی کی کمی کو پورا کریں۔وٹامن ڈی کی کمی ہونے سے شخص کو ڈپریشن،سیزنل ڈس آرڈر،آسٹیو پوروسیس،آٹو امیون کنڈیشن اور دوسری کئی طرح کی پریشانیاں ہو سکتی ہیں۔
اگر آپ بھی اپنی خوراک میں وٹامن ڈی کو بڑھانا چاہتی ہیں تو اس موسم سرمامیں کچھ زبردست نسخے کو آزما سکتی ہیں۔تو چلیے آج اس مضمون میں ہم آپ کو کچھ ایسے ہی نسخے کے بارے میں بتا رہے ہیں،جو سردیوں کے موسم میں آپ کے جسم میں وٹامن ڈی کی مقدار کو بڑھانے میں مدد کریں گے۔
بنائیں مشروم پلاؤ
مشروم میں وٹامن ڈی کنٹینٹ کافی زیادہ پایا جاتا ہے، اس لیے اسے موسم سرما کی خوراک میں شامل کرنا چاہیے۔آپ مشروم کی مدد سے مشروم پلاؤ بناکر گرم گرم پروس سکتی ہیں۔
:ضروری اشیا
تین بڑے چمچ تیل
ایک کپ چاول
دو سو سے ڈھائی سو گرام سفید بٹن مشروم
ایک پیاز باریک کٹی ہوئی
ایک ٹماٹر
ایک آلو
ایک سے دو ہری مرچ
آدھا چمچ ادرک ،لہسن کا پیسٹ
ایک کپ ناریل کا دودھ
حسب ضرورت پانی
نمک حسب ذائقہ
ایک تیز پتہ
ایک انچ دال چینی
دو سے تین الائچی
تین سے چار لونگ
پانچ سے چھ کالی مرچ
ایک چھوٹا چمچ زیرہ
:مشروم پلاؤبنانے کا طریقہ
سب سے پہلے چاول کو پانی کی مدد سے اچھی طرح دھوئیں۔اس کے بعد آپ اسے ۲۰ منٹ کے لیے پانی میں بھگو کر رکھ دیں۔
اب آپ سبزیوں کو اچھی طرح دھو کر کاٹ لیں۔
اب ایک پریشر کوکر میں تیل گرم کریں۔
اب آپ اس میں زیرہ اور دوسرے مسلم گرم مسالے ڈالیں اور مہک آنے تک بھونیں۔
اب اس میں پیاز اور ادرک ۔لہسن کا پیسٹ ڈال کر بھونیں۔
اب کٹے ہوئے ٹماٹر،آلو اور مشروم ڈالیں۔درمیانی آنچ پر مشروم کو آدھا پکنے تک ۴ سے ۵ منٹ تک بھونیں۔بیچ بیچ میں اسے چلاتے رہیں۔
اب چاولوں سے پانی الگ کر بھیگے ہوئے چاول اور کٹی ہوئی ہری مرچ ڈالیں اور ایک سے دو منٹ تک بھونیں۔
اب آپ اس میں ناریل کا دودھ اور پانی ڈالیں۔
ساتھ ہی حسب ذائقہ نمک ڈال کر ملائیں۔
اب آپ مشروم پلاؤ کو ۲ سے ۳ سیٹی آنے تک پکائیں۔
اب گیس بند کریں اور پریشر نکلنے دیں۔
پریشر ختم ہو جانے کے بعد آپ ڈھکن ہٹائیں اور دھنیا یا پودینا سے سجاکر مشروم پلاؤ کو پروسیں۔
