نئی دہلی، 08 مارچ (انڈیا نیرٹیو)

ملک میں کورونا کے نئے کیسز میں کمی ریکارڈ کی جا رہی ہے۔ منگل کی صبح تک گزشتہ 24 گھنٹوں کے دوران 3,993 نئے کورونا مریض پائے گئے۔ اس دوران کورونا کی وبا کو شکست دینے والے افراد کی تعداد 8055 تھی جب کہ 108 کورونا مریض کی موت ہوگئی۔

مرکزی وزارت صحت کے مطابق ملک میں کورونا وائرس سے صحت یاب ہونے والوں کی کل تعداد 4 کروڑ 24 لاکھ 6 ہزار 150 ہو گئی ہے۔ اس دوران صحت یابی کی شرح 98.68 فیصد تک بڑھ گئی۔ اس وقت ملک میں فعال مریضوں کی تعداد کم ہو کر 49 ہزار 948 ہو گئی ہے۔ وہیں، روزانہ انفیکشن کی شرح 0.46 فیصد ہے۔

آئی سی ایم آر کے مطابق گزشتہ 24 گھنٹوں میں 08 لاکھ 73 ہزار سے زیادہ ٹیسٹ کیے گئے۔ اب تک کل 77 کروڑ 43 لاکھ ٹیسٹ ہو چکے ہیں۔

ملک میں 179.13 کروڑ اینٹی کورونا ویکسین لگائی گئیں

کورونا وبا کے خلاف جنگ میں ویکسینیشن مہم کے تحت گزشتہ 24 گھنٹوں کے دوران ملک میں 19 لاکھ سے زائد ویکسین لگائی گئیں۔ اس کے ساتھ ملک میں اب تک 179 کروڑ 13 لاکھ اینٹی کورونا وائرس ویکسین لگائی جا چکی ہیں۔

مرکزی وزارت صحت کے مطابق منگل کی صبح تک ریاستوں اور مرکز کے زیر انتظام علاقوں کو ویکسین کی 180 کروڑ، 14 لاکھ مفت خوراکیں فراہم کی گئی ہیں۔ ریاستوں کے پاس اب بھی ویکسین کی 15.49 کروڑ خوراکیں موجود ہیں۔