تبتی مذہبی رہنما دلائی لامہ نے کوروناکی پہلی ویکسین لگوائی

دھرم شالا ، 06 مارچ (انڈیا نیرٹیو)

 تبتی مذہبی رہنما دلائی لامہ کو ہفتہ کی صبح کورونا ویکسین کی پہلی خوراک دی گئی۔ ریجنل ہسپتال دھرم شالا میں واقع کوویڈ ویکسین سنٹر میں دلائی لامہ کوویکسین لگائی گئی۔

 اگرچہ اس سے قبل حکومت نے مذہبی رہنما کے عملے کی درخواست پر میکلیوڈ گنج میں واقع ان کی رہائش گاہ پر ہی کورونا ویکسین لگانے کی اجازت دی تھی، لیکندلائی لامہ اسپتال پہنچ گئے اور اس ویکسین کی ایک خوراک لی۔

برطانوی وزیرصحت کا ویکسین کے اثر دکھانے کا دعویٰ، اموات کم ہوگئیں

برطانوی وزیر صحت میٹ ہینکاک نے کہا ہے کہ پیر سے اسکولز اور کیئر ہومز میں ایک عزیز سے ملنے کی اجازت ہوگی۔ لندن میں سوسن ہاپکنز کے ہمراہ پریس بریفنگ میں انھوں نے کہا کہ ویکسین کام کررہی ہے، کورونا وائرس سے ہونے والی اموات کم ہوگئی ہیں۔

 میٹ ہینکاک کے مطابق اکتوبر کے بعد اسپتال میں داخلے کی شرح کم ترین سطح پرآگئی ہے۔اسپتالوں میں داخل افراد کی تعداد 12,136 ہے، یہ تعداد زیادہ ہے۔ ڈیٹا درست سمت میں جانے کی تصدیق کررہا ہے۔ ڈیٹا کی بنیاد پر ہی پابندیاں اٹھائی جائیں گی۔ 

برطانوی وزیر صحت نے مزید بتایا کہ بچوں اور نوجوانوں کی ذہنی صحت کے لئے اضافی 79 ملین پاؤنڈ دیئے جائیں گے۔ انھوں نے کہا کہ این ایچ ایس ورکرزکی تنخواہ میں ایک فیصد اضافہ حالات کے مطابق ہے۔