<h3 style="text-align: center;">سشیل مودی کا ٹویٹ ، کارکن کا عہدہ کوئی نہیں چھین سکتا ، جو بھی ذمہ داری ملے گی اسے نبھا ؤں گا</h3>
<p style="text-align: right;">پٹنہ ، 15 نومبر (انڈیا نیرٹیو)</p>
<p style="text-align: right;"> بہار کا اگلاوزیر اعلیٰ کون ہوگا اس کو لے کر ابھی تک تذبذب برقرار ہے۔ ادھر بی جے پی کے سینئر  لیڈر سشیل کمار مودی نے اتوار کو ٹویٹ کیا کہ بی جے پی اور سنگھ پریوار نے 40 سال کی سیاسی زندگی میں مجھے اتنا کچھ دیا ہے کہ کسی اور کو نہیں ملا ہوگا۔ آئندہ بھی جو ذمہ داری دی جائے گی اس کو بھی نبھائیں گے۔ کوئی بھی کارکن کا عہدہ نہیں چھین سکتا۔ سشیل مودی نے اپنے ٹویٹ میں کہا کٹیہار سے نومنتخب ایم ایل اے تارکشور پرساد کو بی جے پی قانون ساز پارٹی کا لیڈر اور بتیاسے چوتھی بار ایم ایل اے رینو دیوی کو بی جے پی قانون ساز پارٹی کے نائب لیڈر کی حیثیت سے مبارک باد دی۔</p>
<p style="text-align: right;">جے ڈی یو صدر نتیش کمار کواین ڈی اے کا لیڈر منتخب کیا گیا تھا اور اس سے نتیش کمار کے وزیر اعلی ٰبننے کی راہ ہموار ہوگئی تھی۔ بی جے پی کے سینئر لیڈر راج ناتھ سنگھ نے کہا کہ نتیش کمار کو این ڈی اے کی مشترکہ میٹنگ میں اس اتحاد کا لیڈر منتخب کیا گیا۔ اس میٹنگ کے بعد نتیش کمارگورنر ہاؤس گئے اور انہوں نے گورنر فاگو چوہان سے ملاقات کی اور حکومت بنانے کے لیے دعویٰ اور خط پیش کیا۔ نتیش کمار نے میڈیا کو بتایا کہ پیر 16 نومبر کو شام 4 سے ساڑھے 4 بجے کے درمیان حلف برداری کی تقریب ہوگی۔</p>.