ریاسی کے ایک وفد نے ایل جی منوج سنہا سے راج بھون میں ملاقات کی

جموں، 10 دسمبر (انڈیا نیریٹو)

جموں و کشمیر کے ضلع ریاسی سے سیلف ہیلپ گروپ کے ارکان کے ایک وفد نے یہاں راج بھون میں لیفٹیننٹ گورنر منوج سنہا سے ملاقات کی۔ نیلم رانی، سرپنچ کوٹھیان ضلع ریاسی کی قیادت میں وفد نے لیفٹیننٹ گورنر کو ڈوگرہ ہٹ میں سہولیات میں اضافہ سے متعلق مسئلہ سے آگاہ کیا۔ سرپنچ نے اپنی پنچایت کے عوامی اہمیت کے مختلف مسائل کو بھی پیش کیا جس میں سڑک کے رابطے کو مضبوط کرنا، بجلی پانی اور دیگر ترقیاتی ضروریات شامل ہیں۔

لیفٹیننٹ گورنر نے وفد کے ارکان کو یقین دلایا کہ ان کے تمام حقیقی مسائل اور مطالبات کا جائزہ لیا جائے گا اور جلد از جلد ازالہ کیا جائے گا۔ ایل جی نے وفد سے کہا کہ وہ مرکزی معاونت والی اسکیموں کے حوالے سے لوگوں کو آگاہ کریں ۔تاکہ زیادہ سے زیادہ لوگ اِن اسکیموں سے مستفید ہو سکیں ۔اس کے علاوہ علاقے میں امن بھائی کو قائم رکھنے پر زور دیا۔