وزیر اعظم نریندر مودی نے آزادی کے 75 سال بعد منی پور کے تامینگ لونگ میں رانی  گائیدن لیوریلوے اسٹیشن تک مال بردار ٹرین کے شروع ہونے پرخوشی کا اظہار کرتے ہوئے کہا کہ شمال مشرق  میں تبدیلی جاری ہے۔

وزیر اعظم مودی نے ہفتہ کے روز شمال مشرقی امور کے مرکزی وزیر مملکت جی کشن ریڈی کے ٹویٹ پر ردعمل ظاہر کیا اور کہا کہ شمال مشرق کی تبدیلی کا عمل جاری ہے۔ انہوں نے کہا کہ منی پور کا رابطہ بڑھایا جائے گا اور تجارت کو فروغ دیا جائے گا۔ ریاست کی شاندار مصنوعات پورے ملک میں بھیجی جا سکتی ہیں۔

قبل ازیں مرکزی وزیر جی کشن ریڈی نے منی پور کے رانی گائیدینلیو ریلوے اسٹیشن پر مال گاڑی کی آمد کا ویڈیو شیئر کیا اور ٹویٹ کیا، "منی پور اور پورے شمال مشرق کے لیے تاریخی دن، ہندوستان کی آزادی کے 75 سال بعد، پہلی مال بردار ٹرین منی پور کے تامینگ لونگ میں رانی۔گائیدینلیو۔ ریلوے اسٹیشن پہنچی ہے۔ نریندر مودی حکومت این ای آر میں بنیادی ڈھانچے کے رابطوں اور اقتصادی خوشحالی کو بڑھانے کے لیے پرعزم ہے۔

شمال مشرقی ریاستوں میں ریل رابطے کو بڑھانے کے لیے مرکزی حکومت کی کوششوں سے، اب منی پور کے رانی گائیدینلیو ریلوے اسٹیشن تک مال بردار ٹرین کا آپریشن شروع ہو گیا ہے۔ پہلے یہ کیمائی روڈ ریلوے اسٹیشن کے نام سے جانا جاتا تھا۔ وزیر اعظم نریندر مودی نے لال قلعہ کی فصیل کے ذریعے شمال مشرقی ریاستوں کے دارالحکومت کو ملک کے دیگر حصوں سے جوڑنے کا اعلان کیا تھا۔ 2024 سے پہلے شمال مشرق کے بیشتر دارالحکومتوں کو ریل کے ذریعے جوڑا جائے گا۔ نیشنل کیپیٹل کنیکٹیویٹی پروجیکٹس کے تحت چھ منصوبوں پر کام جاری ہے۔ ان میں سے پانچ منصوبوں کو 2024 سے پہلے مکمل کرنے کا ہدف ہے جبکہ ایک منصوبہ 2026 تک مکمل ہو   گا۔