<h3 style="text-align: center;">چار روز بعد کشمیر کا فضائی رابطہ بحال ،زمینی راستے ابھی بھی بند</h3>
<p style="text-align: center;">Air operation restore from Srinagar Airport</p>
<p style="text-align: right;">سری نگر،07 جنوری (انڈیا نیرٹیو)</p>
<p style="text-align: right;">حکام نے جمعرات کو بتایا کہ وادی کشمیر کا باقی ماندہ دنیا سے فضائی رابطہ چار روز بعد بحال ہوگیا ہے۔یہ رابطہ وادی میں حالیہ بھاری برفباری کے بعد سے منقطع تھا۔</p>
<p style="text-align: right;">سری نگر ہوائی اڈے کے حکام کے مطابق آج صبح پہلی فلائٹ نے سری نگر میں لینڈ کی اور مذکورہ فلائٹ نئی دلی روانہ ہورہی ہے۔وادی میں گزشتہ اتوار سے موسم شدید خراب تھا جس کے نتیجے میں فضائی و زمینی رابطے منقطع ہوگئے تھے۔</p>
<p style="text-align: right;">اس دوران ائرپورٹ پر مسافروں کی زبر دست بھیڑ دیکھنے کو مل رہی ہےجب کہ سری نگر ائرپورٹ پر مسافر گاڑیوں کی قطاریں لگی ہوئی ہیں ۔</p>
<p style="text-align: right;">گزشتہ چار روز کے دوران مسافروں کو شدید مشکلات کا سامنا کرنا پڑا۔ہوائی کرایہ میں اضافہ کے الزامات بھی لگ رہے ہیں ۔اب اگرچہ فضائی رابطہ بحال ہوگیا ہے تاہم زمینی راستے مسلسل مسدود ہیں۔</p>
<p style="text-align: right;">حکام نے بدھ کے روز ہی کہا تھا سرینگر ۔جموں شاہراہ جمعرات کو مسلسل پانچویں روز بھی بند رہے گی ۔</p>
<p style="text-align: right;"></p>.
