Urdu News

آل انڈیا ریڈیو کا سردار پٹیل یادگاری خطبہ – 2021 دفاعی عملے کے سربراہ جنرل بپن راوت دیں گے

سی ڈی ایس جنرل بپن راوت

 29 اکتوبر 2021، نئی دہلی: آل انڈیا ریڈیو کا پروقار سالانہ سردار پٹیل یادگاری خطبہ اس سال بھارت کے دفاعی عملے سربراہ جنرل بپن راوت دیں گے۔

سی ڈی ایس جنرل بپن راوت 'ملک کی تعمیر میں بھارتی مسلح افواج کے کردار' کے موضوع پر بات کریں گے۔ یہ لیکچر سردار پٹیل کے یوم پیدائش کے موقع پر، آل انڈیا ریڈیو نیٹ ورک سے 31 اکتوبر کو رات ساڑھے نو بجے نشر کیا جائے گا۔ لیکچر کا بصری ورژن اسی دن رات 10 بجے ڈی ڈی نیشنل پر نشر کیا جائے گا۔

سردار پٹیل یادگاری خطبہ 1955 سے آل انڈیا ریڈیو کی سالانہ روایت رہا ہے جس میں مشہور رہنما، مفکرین اور رائے ساز مدعو کردہ سامعین کے سامنے منتخب موضوعات پر اپنے خیالات کا اظہار کرتے ہیں۔ بعد ازاں یہ لیکچر آل انڈیا ریڈیو نیٹ ورک پر نشر کیا جاتا ہے۔

1955 سے ممتاز شخصیات کی طرف سے دیئے گئے تمام سردار پٹیل میموریل لیکچرز کا مجموعہ پرسار بھارتی آرکائیوز یوٹیوب چینل پر دستیاب ہے

Recommended