ایٹا نگر، 10 اپریل

 مرکزی وزیر داخلہ امت شاہ آج (پیر کو) اروناچل پردیش کے سرحدی گاؤں کبیتو میں ‘وائبرنٹ ولیج پروگرام’ کا افتتاح  کریں گے۔ وزیر اعظم نریندر مودی کی قیادت میں حکومت نے مالی سال 2022-23 سے 2025-26 کے درمیان سڑک کے رابطے کے لیے خاص طور پر 2500 کروڑ روپئے سمیت4800 کروڑ روپئے کی مرکزی شراکت کے ساتھ ‘وائبرنٹ ولیج پروگرام’ کو منظوری دی ہے۔

اس پروگرام سے نشانزد سرحدی گاوں کے لوگوں کے معیار زندگی کو بہتر بنانے میں مدد ملے گی۔ نیز انہیں اپنے آبائی مقامات پر رہنے کی ترغیب دیں گے۔ اس سے نقل مکانی رکے گی اور سرحد کی حفاظت کو بڑھانے میں مدد ملے گی۔

 اروناچل پردیش، سکم، اتراکھنڈ، ہماچل پردیش اور مرکز کے زیر انتظام علاقہ لداخ میں شمالی سرحد کے ساتھ 19 اضلاع کے 46 بلاکس کے 2967 گاؤں کو ‘وائبرنٹ ولیج پروگرام’ کے لیے منتخب کیا گیا ہے۔

مرکزی وزیر امت شاہ “گولڈن جوبلی بارڈر الیومنیشن پروگرام” کے تحت بنائے گئے اروناچل پردیش کے نو مائیکرو ہائیڈل پروجیکٹوں کا افتتاح کریں گے۔

 اس کے ساتھ وہ انڈو تبت بارڈر پولیس فورس کے پروجیکٹوں کی نقاب کشائی کے بعد فورس کے جوانوں سے بھی بات چیت کریں گے۔ مرکزی وزیر داخلہ اور تعاون نمتی میدان کا دورہ کریں گے اور والونگ وار میموریل پر خراج عقیدت پیش کریں گے۔