حیدرآباد، 7 اگست(انڈیا نیرٹیو)

وزیراعظم نریندرمودی نے تلگوریاستوں میں39ریلوے اسٹیشنوں کے ترقیاتی کاموں کا سنگ بنیادرکھا۔وزیراعظم نے نئی دہلی سے ملک بھرمیں508ریلویاسٹیشنوں کے ترقیاتی کاموں کاورچول افتتاح انجام دیا۔

وزیراعظم نے کہاکہ ریلوے اسٹیشنوں کے قریب شاپنگ کامپلکس اورگیمنگ زونس قائم کئے جارہے ہیں۔انہوں نے کہا کہ ملک کے ریلوے اسٹیشنس مثالی ثابت ہوں گے۔امرت بھارت اسکیم کے تحت تلگوریاستوں کے39ریلوے اسٹیشنوں کو ترقی دی جائے گی۔

اس خبر کو بھی پڑھ سکتے ہیں

تلنگانہ میں 894.09 کروڑ کے مصارف سے 21 اورآندھراپردیش میں453.50 کروڑ کے مصارف سے 18 ریلوے اسٹیشنوں کو ترقی دی جائے گی۔ نامپلی ریلوے اسٹیشن میں منعقدہ تقریب میں مرکزی وزیرکشن ریڈی، گورنرسوندراراجن، کریم نگرریلوے اسٹیشن کی تقریب میں رکن پارلیمنٹ بنڈی سنجے اورآندھراپردیش کے ایلورریلوے اسٹیشن پرمنعقدہ تقریب میں گورنر جسٹس عبدالنذیر نے شرکت کی۔

تلنگانہ میں عادل آباد، بھدرا چلم، قاضی پیٹ، ہائی ٹیک سٹی، اپو گوڑہ، حیدرآباد، جنگاؤں، کاماریڈی، کریم نگر، کھمم، مدھیرا، محبوب نگر، محبوب آباد، ملک پیٹ، ملکاجگیری، نظام آباد، راما گنڈم، تانڈور، یادادری اور ظہیرآباد ریلوے اسٹیشنوں کو ترقی دی جائے گی۔