باوقار پدم ایوارڈ ز کااعلان،ملائم سنگھ یادو اور ڈاکٹر دلیپ مہال نابیس کا نام بھی شامل

یوم جمہوریہ کے موقع پر حکومت نے باوقار پدم ایوارڈز کا اعلان کیا ہے۔او آر ایس کے بڑے پیمانے پر استعمال میں اہم کردار ادا کرنیو الے  مغربی بنگال کے ڈاکٹر دلیپ مہال نابیس اور یوپی کے سابق وزیر اعلی ملائم سنگھ یادو (دونوں بعد از مرگ)  و پدم وبھوشن سے نوازا گیا ہے ۔

   دلیپ مہال نابیس اور ملائم سنگھ یادو کے علاوہ دیگر مشہور شخصیات جن کو پدم وبھوشن سے نوازا گیا ہے ان میں بالکرشن جوشی، ذاکر حسین، ایس ایم کرشنا، سری نواس وردھن  بھی شامل ہیں۔  ،ایس ایل بھیرپا، کمار منگلم برلا، دیپک دھر، وانی جے رام  ، سوامی چنا جیار، سمن کلیان پور، کپل کپور، سدھا مورتی اور کملیش ڈی پٹیل کو پدم  بھوشن دینے کا اعلان کیا گیا ہے۔

اہم بات یہ ہے کہ او آر ایس نے 1971 کی بنگلہ دیش کی آزادی کی جنگ کے دوران بہت سے لوگوں کی جانیں بچانے میں اپنا اہم کردار ادا کیا تھا۔او آر ایس پہلی بار 1970 کی دہائی میں مغربی بنگال میں بنگاؤں کے قریب کیمپوں میں لاکھوں بنگلہ دیشی پناہ گزینوں کے علاج کے دوران استعمال کیا گیا تھا۔ مغربی بنگال کے ایک مشہور ڈاکٹر دلیپ مہال نابیس کا گزشتہ سال اکتوبر میں 87 سال کی عمر میں انتقال ہو گیا تھا۔

پدم شری حاصل کرنے والی اہم شخصیات میں  میڈیکل کے شعبہ میں اہم کردار ادا کرنے والے ڈاکٹر رتن چندر کار اور ڈاکٹر منشور چندر داوار اور سماجی کارکن ہیرا بائی لوبی شامل ہیں۔

پدم شری پانے والے دیگر اہم شخصیات میں  ناگا سماجی کارکن رامکوئیبانوے نیو مے، وی پی اپوکٹن پوڈووال، ایس سی شیکھر،  مویشیوں کی فلاح و بہبود میں قابل ذکر خدمات انجام دینے والے ویدیویل گوپال اور موسی سداین ، نامیاتی کھیتی کے محرک تلارام اپریتی اور نیکرام شرما ہیں۔