<h3 style="text-align: center;">بھارتیہ جنتا پارٹی کے صدر جے پی نڈا کادو روزہ بنگال دو رہ آج سے</h3>
<h3 style="text-align: center;">ممتا۔ابھیشک کے علاقے میں بی جے پی کارکنوں کی میٹنگ کرکے حوصلہ افزائی کریں گے</h3>
<p style="text-align: right;">کولکاتا ، 9، دسمبر ( انڈیا نیرٹیو)</p>
<p style="text-align: right;">بھارتیہ جنتا پارٹی کی پوری توجہ اب مغربی بنگال اسمبلی انتخابات میں فتح حاصل کرنے پر مرکوز ہے۔ 2021 کے اسمبلی انتخابات سے قبل پارٹی کی منصوبہ بندی کے لیے بی جے پی کے قومی صدر جے پی نڈا 9 اور 10 دسمبر کو بنگال کا دورہ کریں گے۔</p>
<p style="text-align: right;"> اس سے قبل ، نڈا کا پروگرام 08 اور 09 دسمبر کو تھا ، لیکن آخری وقت میں اس کو تبدیل کردیا گیا تھا۔ بی جے پی کارکنوں میں جوش و ولولہ پیدا کرنے کے لیے نڈا وزیر اعلی ٰممتا بنر جی اور ان کے بھتیجے کے انتخابی حلقہ میں اجلاس کریں گے۔</p>
<h4 style="text-align: right;">بھارتیہ جنتا پارٹی کے کارکنان میں خوشی کی لہر</h4>
<p style="text-align: right;">بتایا گیا ہے کہ نڈا اپنے قیام کے دوران کولکاتا ، ہاوڑہ ، شمالی اور جنوبی 24 پرگنہ اضلاع میں پارٹی کے منصوبوں اور تیاریوں کا جائزہ لیں گے۔</p>
<p style="text-align: right;"> نڈا مغربی بنگال کی وزیر اعلیٰ ممتا بنرجی کے انتخابی حلقہ بھوانی پور اور ان کے بھتیجے اور ممبر پارلیمنٹ ابھیشیک بنرجی کے پارلیمانی حلقے ڈائمنڈ ہاربر میں میٹنگ کر کے کارکنوں سے براہ راست بات چیت کریں گے۔</p>
<h4 style="text-align: right;">جے پی نڈا ، ممتا بنرجی کے حلقے میں بھی جائیں گے</h4>
<p style="text-align: right;">خیال کیا جاتا ہے کہ ان اجلاس کے انعقاد سے وہ ممتا بنرجی اور ان کے بھتیجے ابھیشیک بنرجی کو چیلنج کریں گے۔نڈاکے دو روزہ دورے کے بارے میں ، بی جے پی کے قومی جنرل سکریٹری اور مغربی بنگال کے انچارج کیلاش وجے ورگیہنے کہا کہ</p>
<h4 style="text-align: right;">جے پی نڈا دو روزہ دورے پر بنگال روانہ</h4>
<p style="text-align: right;">’’نڈا 8 دسمبر سے ریاست کا دورہ کرنے والے تھے ، لیکن دیر شب ہوئے واقعات کے بعد اس کا شیڈول تبدیل ہوگیا ہے۔ اب نڈا 09 دسمبر کو مغربی بنگال پہنچیں گے اور پارٹی رہنماؤں سے ایک میٹنگ کریں گے ۔</p>
<p style="text-align: right;"> انہوں نے مزید کہا کہ10 دسمبر کوان کاماہی گیروں سے ملنے کے لیے جنوبی 24 پرگنہ ضلع میں ڈائمنڈ ہاربر کا دورہ کرنے کا پروگرام ہے۔پارٹی ذرائع نے بتایا کہ بی جے پی کے سربراہ کولکاتا کے بھوانی پور کے علاقے میں پارٹی تقریب سے خطاب بھی کرسکتے ہیں۔</p>.
