نئی دہلی، 19 اگست (انڈیا نیرٹیو)

مرکزی تفتیشی بیورو (سی بی آئی) کی ٹیم سات ریاستوں میں 21 مقامات پر چھاپے ماری کر رہی ہے، جس میں دہلی کے نائب وزیر اعلی منیش سسودیا کا گھر بھی شامل ہے۔ جمعہ کی صبح سسودیا نے خود ٹویٹ کرکے یہ معلومات دی۔

نائب وزیر اعلیٰ منیش سسودیا نے ٹویٹ کیا، ”سی بی آئی آئی ہے، ان کا استقبال ہے۔ ہمشدید ایماندار ہیں۔ لاکھوں بچوں کا مستقبل بنا رہے ہیں۔ بہت بدقسمتی کی بات ہے کہ ہمارے ملک میں جو اچھا کام کرتا ہے، اسے اسی طرح پریشان کیا جاتا ہے۔یہی وجہ ہے کہ ہمارا ملک ابھی تک نمبر ون نہیں بن سکا۔ ہم تحقیقات میں مکمل تعاون کریں گے تاکہ جلد سچ سامنے آسکے۔

کیا ہے پورا معاملہ

دارالحکومت دہلی میں پہلے شراب کی فروخت سرکاری دکانوں میں ہوتی تھی اور چندجگہوں پر کھلی دکانوں پر مقررہ نرخ پر شراب فروخت کی جاتی تھی۔ گذشتہ سال نومبر میں دہلی حکومت نے شراب کی فروخت کے لیے نئی ایکسائز پالیسی نافذ کی تھی۔

اس پالیسی کے تحت شراب کی فروخت کی ذمہ داری نجی کمپنیوں کو دی گئی۔ دہلی حکومت نے کہا تھا کہ اس سے کاروبار میں مقابلہ بڑھے گا اور صارفین کم قیمت پر شراب خرید سکیں گے۔

دہلی میں نئی ایکسائز پالیسی کو نافذ کرنے کے پیچھے دہلی حکومت کی سب سے بڑی دلیل شراب مافیا کو ختم کرنا اور شراب کی برابرتقسیم تھی۔ اس کے علاوہ پینے کی عمر 25 سے کم کر کے 21 سال کر دی گئی۔ اس کے ساتھ ہی ڈرائی ڈے بھی کم کر دیئے گئے۔ اس پالیسی کے نفاذ کے ساتھ ہی دہلی پہلی حکومت بن گئی جس نے خود کو شراب کے کاروبار سے الگ کر لیا۔

دہلی کی نئی ایکسائز پالیسی 2021-2022 کے تحت پوری دہلی کو 32 شراب زون میں تقسیم کیا گیا تھا۔ اسی دوران 849 دکانیں کھل گئیں۔ 31 زون میں 27 دکانیں دستیاب ہوئیں۔ ہوائی اڈے کے زون کو 10 دکانیں ملیں، جب کہ 17 نومبر 2021 کو نافذ ہونے سے پہلے، دہلی میں شراب کی کل 864 دکانیں تھیں، جن میں سے 475 دکانیں حکومت چلاتی تھیں اور 389 دکانیں نجی تھیں۔

دہلی حکومت اور لیفٹیننٹ گورنر کے درمیان تنازعہ

دہلی میں نئی ایکسائز پالیسی کو لے کر دہلی حکومت اور لیفٹیننٹ گورنر کے درمیان کشیدگی جاری ہے۔  محکمہ ایکسائز کی ذمہ داری سنبھال رہے نائب وزیر اعلیٰ منیش سسودیا نے الزام لگایا ہے کہچنندہ  دکانداروں کو فائدہ پہنچانے کی نیت سے  اس وقت کے لیفٹیننٹ گورنر نے پالیسی کے نفاذ سے عین قبل پالیسی میں تبدیلیاں کیں۔ اس سے حکومت کو ریونیو میں بھاری نقصان ہوا۔

وہیں لیفٹیننٹ گورنر ونے کمار سکسینہ نے اس پالیسی کو لاگو کرنے میں کوتاہی اور مبینہ بے ضابطگیوں کے معاملے میں سخت کارروائی کی۔ نئی ایکسائز پالیسی بنانے میں کی گئی بے قاعدگیوں پراسی ماہ لیفٹیننٹ گورنر کی جانب سے  ایکسائز ڈیپارٹمنٹ کے سابق کمشنر اے گوپی کرشنا اور ڈپٹی کمشنر آنند کمار تیواری کمیٹی نے 11 افسران کو معطل کر دیا تھا۔ یہ کاروائی دہلی کے چیف سکریٹری نریش کمار کے ذریعہ  لیفٹیننٹ گورنر کو پیش کی گئی 37 صفحات پر مشتمل رپورٹ کے بعد کی گئی۔

رپورٹ میں ویجیلنس ڈیپارٹمنٹ کی تحقیقات کو بنیاد بنایا گیا ہے۔ ذرائع کے مطابق ویجیلنس ڈیپارٹمنٹ کی جانب سے دی گئی رپورٹ میں نئی ایکسائز پالیسی میں کئی مبینہ بے ضابطگیوں کا ذکر کیا گیا ہے۔ اس میں 30 کروڑ روپے بھی اس کمپنی کو واپس کرنے کی بات کہی گئی ہے جو ایئرپورٹ آپریٹر سے ایئرپورٹ پر شراب کی دکان کھولنے کے لیے ضروری دستاویزات حاصل نہیں کر پائی ہے۔

ذرائع کے مطابق  اسی طرح کورونا کے دور میں لائسنس ہولڈرس، مینوفیکچررز اور بلیک لسٹ شدہ کمپنیوں کو 144 کروڑ روپے کا ریلیف پیکج دیتے ہوئے ریٹیل میں شراب فروخت کرنے کے لیے ٹینڈر حاصل کرنے والے شراب کے تاجروں کو ایک ساتھ کاروبار کرنے کو بنیاد بنایا گیا ہے۔