<h3 style="text-align: center;">پاکستان کی طرف سے پونچھ میں شام دیر گئے فائرنگ، ہندستانی فوج کا آفیسر شہید</h3>
<p style="text-align: right;">سری نگر، 72 نومبر (انڈیا نیرٹیو)</p>
<p style="text-align: right;">جمعرات شام دیر گئے پونچھ ضلع میں لائن آف کنٹرول (ایل او سی) کے سرحد پار سے پاکستانی فائرنگ کی وجہ سے فوج کا ایک جونیئر کمنڈنگ آفیسر (جے سی او) شہید ہو گیا جب کہ ایک شہری اس واقعہ میں زخمی ہوگیا۔</p>
<p style="text-align: right;">فوجی عہدیداروں نے بتایا کہ پاک فوج نے ایل او سی پر ہندستانی فوج کی چوکیوں کو نشانہ بنایا جس کے دوران فوج کا ایک صوبیدار زخمی ہوگیا۔</p>
<p style="text-align: right;"> انہوں نے بتایا ، زخمی آفیسر کو ادھم پور کے آرمی اسپتال منتقل کیا گیا جہاں وہ زخموں کی تاب نہ لاتے ہوئے چل بسا۔اس دوران</p>
<p style="text-align: right;"> فائرنگ سے ایک شہری ساکن کیرینی جس کا نام محمد راشد ہے، زخمی ہوا جسے پونچھ ضلع اسپتال میں داخل کرایا گیا ہے۔</p>
<p style="text-align: right;">تادم تحریر دونوں فوجوں کے مابین فائرنگ کا تبادلہ جاری تھا۔ جس کی وجہ سے علاقے میں جنگ کا سماں تھا۔</p>.
