نئی دہلی، 13 اپریل (انڈیا نیرٹیو)
مرکزی حکومت نے جموں و کشمیر، پنجاب، چھتیس گڑھ اور اتر پردیش میں 2673 کروڑ روپے کے سڑک پروجیکٹوں کو منظوری دی ہے۔
مرکزی سڑک ٹرانسپورٹ اور شاہراہوں کے وزیر نتن گڈکری نے ٹویٹ کرکے اس کی جانکاری دی۔ انہوں نے بتایا کہ مرکز کے زیر انتظام جموں و کشمیر کے ضلع بارہمولہ میں موجودہ سری نگر-بارہمولہ-اوڑی (این ایچ۔01) سڑک کو چوڑا اور مضبوط کرنے کے لیے 702.10 کروڑ روپے کی لاگت سے منظوری دی گئی ہے۔
پنجاب میں، نیشنل ہائی وے 254 پر پٹی-جواہر سنگھ والا-کنگر-سلابت پورہ سیکشن میں کنگر بائی پاس سے رام پورہ بائی پاس تک سڑک کی بحالی اور اپ گریڈیشن کے کام کو 174.50 کروڑ روپے کی لاگت سے 2 لین تک منظور کیا گیا ہے۔ .
اتر پردیش کے سلطان پور، اعظم گڑھ اور امبیڈکر نگر اضلاع میں این ایچ 135 اے پیکیج-III پر جونپور-اکبر پور سیکشن اور اکبر پور بائی پاس کو 1653.15 کروڑ روپے کی لاگت سے ہائبرڈ اینوٹی موڈ کے تحت 4 لین کی منظوری دی گئی ہے۔
اس کے علاوہ، 143.94 کروڑ روپے کی لاگت سے چھتیس گڑھ کے سورج پور اور سرگوجا اضلاع میں قومی شاہراہ 343 پر امبیکاپور رامانوج گنج گڑھوا روڈ کے امبیکاپور بائی پاس (سنجے نگر سے راجپوری خورد گاؤں کے حصے) کے پیبڈ شولڈر کے ساتھ 2 لین سڑک کی تعمیرکو منظوری دی گئی۔
