نئی دلی۔ 29 دسمبر
مرکزی وزیر دفاع راج ناتھ سنگھ نے منگل کو کہا کہ ملک نے حال ہی میں شمالی سیکٹر میں دشمن (چین) کا مقابلہ حوصلہ اور عزم کے ساتھ کیا۔ یہ مناسب بنیادی ڈھانچے کی ترقی کے بغیر ممکن نہیں تھا، انہوں نے بارڈر روڈز آرگنائزیشن کی تعریف کرتے ہوئے کہا کہ آج کے غیر یقینی وقت میں سرحدی علاقوں میں مضبوط انفراسٹرکچر ضروری ہے کیونکہ یہ اسٹریٹجک صلاحیتوں کو مضبوط کرتا ہے، وزیر دفاع نے کہا کہ سرحدی انفراسٹرکچر کے حصے کے طور پر، ہندوستان کو نگرانی کے نظام کو بھی تقویت دینا ہوگی۔راج ناتھ بی آر او کی طرف سے بنائے گئے 24 پلوں اور تین سڑکوں کو قوم کے نام وقف کرنے کی تقریب میں بول رہے تھے۔
تین سڑکوں میں سے دو لداخ میں اور ایک مغربی بنگال میں ہے۔ اہم سرحدی منصوبوں میں ایک مقامی 140 فٹ ڈبل لین والا ماڈیولر پل ہے، جو فلیگ ہل-ڈوکالا، سکم میں 11,000 فٹ کی بلندی پر بنایا گیا ہے، اور چسملے-ڈیمچوک سڑک جو کہ لداخ میں 19,000 فٹ سے زیادہ پر املنگ لا سے گزرتی ہے۔ اس کے پاس دنیا کی بلند ترین موٹر ایبل سڑک کا گنیز ورلڈ ریکارڈ ہے۔ان منصوبوں نے ملک کی شمالی اور مشرقی سرحدوں کے ساتھ ایک اہم سڑک کے نیٹ ورک کو یقینی بنایا ہے۔
راجناتھ سنگھ نے کہا کہ مشرقی لداخ میں املنگ لا میں سڑک مسلح افواج کی تیز رفتار نقل و حرکت، سیاحت کو فروغ دینے اور خطے کی سماجی و اقتصادی ترقی کو یقینی بنائے گی۔راجناتھ سنگھ نے سرحدی علاقوں میں سڑکوں، شاہراہوں، سرنگوں اور پلوں کی تعمیر کو ایک مضبوط اور خوشحال ملک کی تعمیر کے لیے اہم قرار دیا۔ اس سے دور دراز علاقوں میں لوگوں کی سماجی و اقتصادی حالت بہتر ہو گی اور ملک کو اپنی سلامتی، مواصلات اور تجارتی مقاصد حاصل کرنے میں مدد ملے گی۔
