سدھارتھ نگر، 25 اکتوبر (انڈیا نیرٹیو)

وزیر اعظم نریندر مودی نے پیر کو بیک وقت سدھارتھ نگر سمیت اتر پردیش کے نو میڈیکل کالجوں کا افتتاح کیا۔ ان کی تعمیر میں 2329 کروڑ روپے کی لاگت آئی ہے۔ ان میڈیکل کالیجوں میں سدھارتھ نگر کے علاوہ ان میں جون پور، فتح پور، دیوریا، ایٹہ، غازی پور، مرزا پور، ہردوئی اور پرتاپ گڑھ شامل ہیں۔ ان تمام میڈیکل کالجوں میں ایم بی بی ایس کی کلاسیں اس سیشن سے 100 نشستوں پر شروع ہوں گی۔

ملک میں 117 اور یوپی میں 27 میڈیکل کالج کھولے گئے ہیں: منسکھ مانڈاویہ

اس دوران وزیر صحت نے کہا کہ میڈیکل کالج کے کھلنے سے یہاں کے لوگوں کو علاج کی اچھی سہولت ملے گی۔ نوجوانوں کو طبی تعلیم کی سہولت ملے گی۔

انہوں نے کہا کہ پچھلے سات برس میں اترپردیش کی ترقی پر بہت زیادہ توجہ دی گئی ہے۔ بجٹ میں کئی گنا اضافہ ہوا ہے۔ ملک میں 117 اور یوپی میں 27 میڈیکل کالج کھولے جا رہے ہیں۔

انہوں نے کہا کہ میڈیکل گریجویٹس کی 84 ہزار سیٹوں پر داخلے شروع ہو چکے ہیں۔ یوپی میں سال 2013-14 میں 30 میڈیکل کالج تھے۔ اب ان کی تعداد 66 ہو گئی ہے۔ میڈیکل گریجویٹس کی تعداد دوگنی ہو گئی ہے۔ 1000 کی آبادی کے لیے ایک ڈاکٹر ہونا چاہیے، لیکن بھارت میں اب 850 کی آبادی کے لیے ڈاکٹر دستیاب ہیں۔