بھارتیہ جنتا پارٹی (بی جے پی) کے صدر جگت پرکاش نڈا نے کہا ہے کہ بی جے پی دنیا کی واحد ایسی سیاسی جماعت ہے جو عوام کے دکھ اور تکلیف میں مسلسل شامل ہو کور ان کی خدمت کو اپنا بنیادی اصول سمجھتی ہے جبکہ کانگریس سمیت حزب اختلاف کی کچھ جماعتوں کے پاس ویکسن پر سیاست کرنے کے علاوہ کوئی اور کام نہیں ہے۔

پیر کو یہاں ہماچل پردیش کے لئے دو آکسیجن پلانٹوں کا سنگ بنیاد رکھنے اور ریاست کے لیے کووڈ راحتی اشیا روانہ کرنے کے ایک پروگرام میں ، مسٹر نڈا نے کہا ’’کورونا انفیکشن کے آتے ہی، وزیر اعظم نریندر مودی نے ’ہندوستان میں تیار ویکسین‘ کے لیے کاروباری افراد اور سائنس دانوں کی حوصلہ افزائی کی۔ اسی کا نتیجہ رہا کہ 9 ماہ میں ہی دو دو میڈ ان انڈیا ٹیکے تیار ہوگئے۔ لیکن کانگریس سمیت کچھ اپوزیشن جماعتوں نے شروع ہی سے اس عمل کا مذاق اڑایا۔ یہاں تک کہ ویکسین کو بدنام کیا گیا۔ اسے منظوری دینے کے عمل پر سوال اٹھا کر ملک کو بدنام کرنے کی سازش رچی گئی اور لوگوں کو گمراہ کیا گیا، آج وہی پارٹیاں ویکسین پر ہنگامہ کررہی ہیں۔

مسٹر نڈا نے کہا کہ آج 13 کمپنیاں یہ ویکسین بنارہی ہیں۔ اس سال کے آخر تک ، ویکسی نیشن کا مکمل انتظام ہوجائے گا۔

بی جے پی صدر نے کہا کہ ملک کے وزیر اعظم کی رہنمائی میں بی جے پی مسلسل ملک بھر میں ’سیوا ہی سنگتھن ابھیان‘ چلارہی ہے۔ مرکز کی بی جے پی حکومت کے سات سال پورے ہونے کے موقع پر 30 مئی سے ملک کے ایک لاکھ گاؤوں کو ہدف میں رکھ کر پارٹی کے کارکنان ، ممبران پارلیمنٹ ، ممبران اسمبلی ، وزراء اور عہدیدار خدمات کے کام کررہے ہیں۔ اب تک 20 ریاستوں کی رپورٹ آگئی ہے اور ہم نے ان ریاستوں سے ایک لاکھ سے زیادہ دگاؤوں تک پہنچ کر اس ہدف مکمل کرلیا ہے۔ اسی طرح 28 مئی سے 30 مئی تک ملک بھر میں خون کے عطیہ دینے والے کیمپوں کے انعقاد کے ذریعہ 50 ہزار بلڈ یونٹ جمع کرنے کا ہدف رکھا تھا ، جسے بھی حاصل کرلیا گیا۔

انہوں نے کہا کہ کووڈ انسانی تاریخ کا سب سے بڑا المیہ بن گیا ہے اور اس تباہی نے انسانیت کو کافی نقصان پہنچایا ہے ، ہم سب پریشان ہیں۔ اب وقت آگیا ہے کہ اس وقت ملک کے عوام کے ساتھ ان کے دکھ درد میں متحد ہوکر کھڑے ہونے کا وقت آگیا۔ پچھلے سال ، مسٹر مودی نے نو مہینوں تک ملک کے 80 کروڑ لوگوں کو مفت اناج فراہم کرایا تھا اور اس بار بھی دو مہینوں کے لیے یہ انتظام کیا گیا ہے۔