<h3 style="text-align: center;">مغربی بنگال میں ملک مخالف کوششوں کے تحت ممتا دیدی نے بسا خطرناک درانداز: مرکزی وزیر</h3>
<p style="text-align: right;">جے پور ، 06 دسمبر (انڈیا نیرٹیو)</p>
<p style="text-align: right;">مرکزی آبی وسائل کے وزیر گجیندر سنگھ شیخاوت نے مغربی بنگال کی وزیر اعلیٰ ممتا بنرجی پر سنگین الزامات عائد کئے ہیں۔ شیخاوت نے کہا کہ مغربی بنگال کی وزیر اعلیٰ ممتا بنرجی نے اپنی سیاست چمکانے کے لیے گھریلو اور باہری کی تعریف تبدیل کردی ہے۔</p>
<p style="text-align: right;"> انہوں نے مغربی بنگال میں اپنی سیاست برقرار رکھنے کے لئے غیرقانونی طور پر بھارت میں داخل ہونے والے دراندازوںکو آباد کیا ہے۔</p>
<p style="text-align: right;">مرکزی وزیر شیخاوت نے اتوار کے روز ایک کے بعد ایک کئی ٹویٹ کرتے ہوئے یہ الزام لگایا۔ انہوں نے لکھا ہے کہ انہوں نے کل مغربی بنگال میں جادوپور یونیورسٹی میں چائے پر چرچہ پروگرام میں شرکت کی۔</p>
<p style="text-align: right;"> یہ ایک کھلا اسٹیج تھا ، جہاں لوگوں کے درمیان ممتا حکومت کے خلاف زبردست غم و غصہ دکھائی دیا۔ بنگال انتظامیہ پڑوسی ممالک کی فوج کی طرح کام کرتی ہے۔</p>
<p style="text-align: right;"> شیخاوت نے لکھا کہ ممتا دیدی نے اپنی سیاست چمکانے کے لئے گھریلو اور باہری کی تعریف ہی بدل کررکھ دیا۔ انہوں نے دہلی اور ملک کے دیگر مقامات سے آنے والے بھارتی باہری لگتے ہیں اور پڑوسی ملکوں سے آنے والے درانداز اپنے۔</p>
<p style="text-align: right;"> شیخاوت نے الزام عائد کیا کہ ممتا دیدی نے اپنی سیاست کو برقرار رکھنے کی ملک مخالف کوششوں میں خطرناک دراندازوں کومغربی بنگال میں آباد کرلیا ہے۔ وہ آزادی کی جدوجہد کی فکری اور حکمت عملی کا پرچم اٹھانے والے بنگال کو ہندوستھانیت سے الگ کرنا چاہتی ہیں۔</p>.
