دلی سرکار نے شادی کی تقریبات اور آخری رسوم کو چھوڑ کر ہر طرح کے اجتماعات پر 30 اپریل تک پابندی عائد کی

دلّی سرکار نے کووڈ انیس کے کیسوں کے بڑھنے کے پیش نظر شادیوں اور آخری رسوم کو چھوڑ کر تمام اجتماعات پر 30اپریل تک پابندی عائد کردی ہے۔ شہر میں ہر طرح کی سماجی، سیاسی، کھیل، تفریحی، تعلیمی، ثقافتی، مذہبی اور تہواروں سے متعلق اجتماعات پر پابندی لگادی گئی ہے۔ 

 DDMAکے مذکورہ حکم کے مطابق آخری رسومات میں 20 لوگوں کی شرکت کی اجازت ہوگی جبکہ شادی کی تقریب میں 50 افراد شامل ہو سکیں گے۔ حکم نامے میں کہا گیا ہے کہ ریستوراں اور بار 50 فیصد کی گنجائش کے ساتھ کھلے رہیں گے۔ سنیما، ٹھیئٹرز، ملٹی پلیکس بھی 50 فیصد کی گنجائش کے ساتھ کھلے رہیں گے۔ حکم نامے میں کہا گیا ہے کہ دلّی میٹرو، DTC اور بسوں کی بین ریاستی آمدورفت پچاس فیصد کی صلاحیت کے ساتھ جاری رہیں گی۔