Urdu News

بھارت کی آزادی کے 75 برسوں کی یاد میں دہلی سے دراس سائیکلنگ مہم کا انعقاد

دہلی سے دراس سائیکلنگ مہم

 

بھارت  کی آزادی کے 75 سال کی یاد میں، بھارتی فوج اور بھارتی فضائیہ نے مل کر  2 جولائی  2022 کو  دہلی سے دراس تک  کی شاندار  سائیکلنگ مہم کا آغاز کیا ۔ مہم پر جانے والی  ٹیم میں 20 فوجی اور ایئر واریئرس شامل ہیں اور ان کی قیادت فوج اور فضائیہ کی دو    با  صلاحیت خاتون افسر کریں گی۔ اس مہم کو مشترکہ طور پر لیفٹیننٹ جنرل ایم یو نائر اے وی ایس ایم ایس ایم، سگنل آفیسر ان چیف اور سینئر کرنل کمانڈنٹ، کور آف سگنلز اور ایئر مارشل آر رادھیش اے وی ایس ایم وی ایم، سینئر ایئر اسٹاف آفیسر، ویسٹرن ایئر کمانڈ نے نیشنل وار میموریل، نئی دہلی سے  جھنڈی دکھا کر روانہ کیا۔ دہلی۔ اس کے بعد سائیکل سواروں کو 24 دنوں میں 1600 کلومیٹر کا فاصلہ طے کرنے کے مشکل کام کا سامنا کرنا پڑے گا، جس کا اختتام 26 جولائی 2022 کو دراس میں کارگل  وار میموریل پر ہوگا، جہاں پر  کارگل جنگ کے دوران  اپنی جان کی قربانی دینے والے بہادر شہیدوں کو ایک موزوں خراج عقیدت پیش کیا جائے گا۔

 موٹے پر اس مہم کا مقصد نوجوان ہندوستانیوں کی قوم پرستی کی توانائی کو بڑھانا ہوگا کیونکہ سائیکل سوار راستے میں مختلف مراحل پر اسکولی بچوں کے ساتھ بات چیت کریں گے۔ وہ ملک کے مستقبل کے لیڈروں کے بے پناہ جوش و جذبے کو آگے بڑھانے کے لیے مشعل راہ کا کام کریں گے۔ نامزد اسکولوں کی فہرست درج ذیل ہے:

تاریخ

دن

اسکول

مقام

2 جولائی

1

سینک اسکول کنج پورہ

کرنال

03جولائی

2

کیندریہ ودیالیہ

امبالہ

04 جولائی

3

آرمی پبلک اسکول

چنڈی مندر

05 جولائی

4

گروکل انٹرنیشنل سینئر سیکنڈی اسکول

سولن

07 جولائی

6

شملہ پبلک اسکول

شملہ

08 جولائی

7

بلاس پور پبلک اسکول

بلاسپور

09 جولائی

8

پانڈو  پبلک اسکول

پانڈو

10 جولائی

9

گورنمنٹ سینئر سیکنڈری اسکول

منالی

11 جولائی

10

کیندریہ ودیالیہ

کیلانگ

12جولائی

11

گورنمنٹ پرائمری اسکول

دارچہ

17 جولائی

16

آرمی گڈ ول اسکول

کارو

18 جولائی

17

لداخ پبلک اسکول

لیہ

19 جولائی

18

کھلستے گورنمنٹ مڈل اسکول

کھلستے

 

سائیکل سواروں کی ٹیم کی قیادت کور آف سگنلز کی میجر سرشٹی شرما کریں گی۔ میجر سرشٹی سیکنڈ جنریشن افسر ہیں جنہیں 2019 میں مختلف تکنیکی بنیادوں پر انٹیلی جنس آپریشنز میں ان کی خدمات کے لیے چیف آف انٹیگریٹڈ اسٹاف کمنڈیشن کارڈ سے نوازا گیا تھا۔  فی الحال دہلی میں تعینات ہے، انہیں یوم جمہوریہ اور یوم آزادی جیسی قومی تقاریب کے دوران فضائی دفاع کے مواصلاتی پہلوؤں میں ان کی خدمات کے لیے 2021 میں وائس چیف آف ایئر اسٹاف کمنڈیشن کارڈ سے نوازا گیا۔

بھارتی فضائیہ کی ٹیم کی سربراہی اسکواڈرن لیڈر مینکا کر رہی ہیں جنہوں نے اپنی 10 سال کی سروس کے دوران بیدر، گوالیار اور دیولالی میں لاجسٹک آفیسر کے طور پر خدمات انجام دی ہیں۔ فی الحال ایئر فورس اسٹیشن کالائی کنڈا میں خدمات انجام دے رہی ہیں، انہیں 2016 میں ایئر آفیسر کمانڈنگ-اِن-چیف سنٹرل ایئر کمانڈ کمنڈیشن کارڈ سے نوازا گیا کیونکہ انہوں نے گوالیار ایئر فورس اسٹیشن میں لاجسٹکس کے مختلف مسائل کو غیر معمولی ہینڈل اور تیزی سے حل کیا تھا۔ وہ کھیلوں کی شوقین ہیں اور انہوں نے بھارتی فضائیہ کے زیر اہتمام کئی سائیکلنگ مہمات میں حصہ لیا ہے۔

یہ مہم ہماچل پردیش میں داخل ہونے سے پہلے پنجاب سے گزرے گی۔ جب یہ مہم لداخ کی جانب بڑھے گی تو اسے بلند ہوتے علاقوں کے مشکل ترین چیلنجوں اور آکسیجن کی کمی  کا سامنا کرنا ہو گا۔ اس یادگار چیلنج کے لیے  ٹیم کو تیار کرنے کے واسطے  پہلے ہی تیاری اور تربیت کا آغاز  کیا گیا تھا۔ اس ٹیم کو  اس قسم کی سلسلہ وار مشق کرائی گئی جس سے  ان کی قوت برداشت اور اسٹیما میں اضافے میں مدد ملتی ہے۔ دراس میں ٹیم کا استقبال  لیفٹیننٹ جنرل اپیندر دویدی اے وی ایس ایم، جنرل آفیسر کمانڈنگ ان چیف ناردرن کمان کریں گے۔

Recommended