نئی دہلی ، 17 جون (انڈیا نیرٹیو)

دہلی کی کڑکڑڈوما عدالت نے دہلی تشدد کیس میں تین یو اے پی اے کے ملزموں کی رہائی کا حکم دیا ہے۔ ایڈیشنل سیشن جج رویندر بیدی نے یہ حکم دہلی پولیس کے ملزم کو فوری رہا نہ کرنے کے مطالبہ کو مسترد کرتے ہوئے دیا ہے۔

در حقیقت ، 16 جون کو دہلی پولیس نے کڑکڑڈوماعدالت سے مطالبہ کیا تھا کہ ملزمان کی ضمانتوں کی تصدیق کے لیے تین دن کا وقت دیا جائے ، جس پر عدالت نے فیصلہ محفوظ کرلیا تھا۔ اس کے بعد آج ملزموں نے فوری رہائی کا مطالبہ کرتے ہوئے دہلی ہائی کورٹ سے رجوع کیا۔ پھر دہلی ہائی کورٹ نے کہا کہ ٹرائل کورٹ پہلے دہلی تشدد کے الزام میں تین یو اے پی اے کے ملزمین کی جیل سے ضمانت پر رہائی کے معاملے پر حکم پاس کرے۔ جسٹس اجے جیرام بھمبھانی نے کہا کہ ٹرائل کورٹ کا حکم آنے دیں ، اس کے بعد ہم اس معاملے کی سماعت کریں گے۔ ہمیں بتائیں کہ وہاں کیا حکم دیا گیا ہے۔

ہائی کورٹ سے 15 جون کو جسٹس سدھارتھ مردول اور جسٹس اجے جیرام بھمبھانی پر مشتمل بینچ نے تینوں ملزمان کو باقاعدہ ضمانت دیدی تھی۔ عدالت نے کہا تھا کہ دہلی پولیس نے اس معاملے میں چارج شیٹ داخل کی ہے۔ اس معاملے میں 740 گواہان ہیں جن میں آزاد گواہوں کے علاوہ محفوظ گواہ ، پولیس گواہ وغیرہ شامل ہیں۔ ایسی صورت حال میں ان 740 گواہوں کی گواہی ختم ہونے تک ان ملزمان کو جیل کے اندر نہیں رکھا جاسکتا۔ عدالت نے کہا تھا کہ کورونا کے موجودہ دور میں جب عدالت کا موثر کام رکا ہوا ہے۔ کیا عدالت اس وقت تک انتظار کرے گی جب تک کہ ملزم کے ابتدائی مقدمے کی سماعت مکمل نہیں ہوجاتی۔

عدالت نے تینوں ملزموں کو پچاس ہزار روپے کی ذاتی اور دو مقامی ضمانتوں کی بنیاد پر ضمانت دینے کا حکم دیا ہے۔ عدالت نے تینوں کو اپنے پاسپورٹ حوالے کرنے کا حکم دیا۔ عدالت نے کہا کہ تینوں ملزمین ایسا کوئی کام نہیں کریں گے جس سے کیس متاثر ہو۔ آصف اقبال تنہاجامعہ یونیورسٹی کے طالب علم ہیں۔ انہیں دہلی میں ہونے والے تشدد کے الزام میں مئی 2020 میں گرفتار کیا گیا تھا۔ نتاشا ناروال اور دیونگن کالیتا پنجرا توڑ سنگٹھن کے ممبر ہیں۔ دونوں کو مئی 2020 میں گرفتار کیا گیا تھا۔ ان تینوں پر دہلی میں تشدد بھڑکانے کا الزام ہے۔

فسادات میں سازش کے معاملے میں ، دہلی پولیس کے اسپیشل سیل نے اب تک 18 افراد کو طاہر حسین ، صفورا زرگر ، عمر خالد ، خالد سیفی ، عشرت جہاں ، میران حیدر ، گلفشاں ، شفا ءالرحمن ، آصف اقبال تنہا ، شاداب احمد ، تسلیم احمد ، سلیم ملک ، محمد سلیم خان ، اطہر خان ، شرجیل امام ، فیضان خان ، نتاشہ نارووال اور دیونگن کالیتا کوملزم بنا یاہے۔ صفورا زرگر کو انسانی بنیادوں پر پہلے ہی ضمانت مل چکی ہے۔