یوکرین اور روس کے درمیان جاری جنگ کے بیچ ڈویژنل انتظامیہ کشمیر نے یوکرین میں پھنسے ہوئے کشمیر کے طلبا اور رہائشیوں کے لیے 24 گھنٹے کا ہیلپ لائن ڈیسک قائم کیا ہے۔ حکام نے بتایا کہ یوکرین روس کے بحران کے پیش نظر یوکرین میں پھنسے ہوئے طلبا، کشمیر کے رہائشیوں کے لیے 24 گھنٹے ہیلپ لائن ڈیسک قائم کیا گیا ہے۔

حکومت کی طرف سے کسی بھی قسم کی مدد کے لیے، متعلقہ اور ان کے خاندان کے افراد فون نمبر 01942457312 اور 01942473135 پر رابطہ کر سکتے ہیں۔حکام کے مطابق انتظامیہ نے ہر ضلع میں ایمرجنسی کنٹرول روم بھی قائم کیے ہیں اور ہر ضلع میں نوڈل افسروں کو بھی تعینات کیا ہے۔وزارت خارجہ نے یوکرین میں پھنسے ہندوستانی طلباء کی مدد کے لیے 24 گھنٹے کی ہیلپ لائن بھی کھولی ہے جس کے بعد متعلقہ ریاست، یو ٹی  حکومتوں نے اپنے اپنے شہریوں کے لیے اقدامات کیے ہیں۔ وزارت نے خاندانوں یا رشتہ داروں کو معلومات اور مدد فراہم کرنے کے لیے دارالحکومت نئی دہلی میں ایک کنٹرول روم بھی قائم کیا ہے۔وزارت نے ایک پریس ریلیز کے ذریعے کنٹرول روم کا ٹول فری نمبر بھی شیئر کیا ہے۔ یہ نمبر ہیں +91 11 23012113، +91 11 23014104، +91 11 23017905۔ کنٹرول روم کا ای میل پتہ situationroom@mea.gov.inہے۔