ای نام پرکسانوں کے  اعتماد میں اضافہ ہواہے:  وزیر اعظم مودی

وزیر اعظم نریندر مودی نے کہا کہ ای نام میں کسانوں کے اعتماد میں اضافہ ہوا ہے۔ مودی جمعرات کے روز 'ڈیجیٹل انڈیا' کے چھ سال مکمل ہونے پر 'ڈیجیٹل انڈیا' مہم کے مستفید ین  کے ساتھ ویڈیو کانفرنس کے ذریعے گفتگو کر رہے تھے۔

وزیر اعظم مودی کی قیات میں ڈیجیٹل انڈیا کی شروعات6 سال پہلے یکم جولائی کوہوئی تھی۔ مودی نے اپنے خطاب میں کہاکہکسانوں کی زندگی میں بھی ڈیجیٹل لین دین سے غیر معمولی تبدیلی آئی ہے۔ پی ایم کسان سمان ندھی کے تحت 10 کروڑ سے زیادہ کسان خاندانوں کو براہ راست ایک لاکھ 35 کروڑ روپئے بینک کھاتے میں جمع کئے گئے ہیں۔ ڈیجیٹل انڈیا نے ون نیشن، ون ایم ایس پی کے خواب کو تعبیر کیا ہے۔

بات چیت کے دوران  وزیر اعظم نے مہاراشٹرا کے کسان پرہلاد بورگھڑ سے بات کی۔ انہوں نے وزیر اعظم مودی کو بتایا کہ کس طرح ای۔نام (نیشنل ایگریکلچر مارکیٹ) پلیٹ فارم ان جیسے چھوٹے کاشتکاروں کو اپنی فصلوں کی مناسب قیمت وصول کرنے میں مدد فراہم کررہا ہے۔ انہوں نے کہا کہ وباکے دوران بھی، کسانوں کو اپنی پیداوار فروخت کرنے میں کوئی پریشانی کا سامنا نہیں کرنا پڑا۔

بورگھڑ نے کہا، ”ہم اس پلیٹ فارم کو 2018 سے استعمال کر رہے ہیں۔ ہمیں اپنی پیداوار کے لئے زیادہ قیمت مل رہی ہے اور ہم اسے آسانی سے فروخت کرنے کے قابل ہیں“۔ ڈیجیٹل پہل نے نقل و حمل پر بوجھ کم کردیا ہے کیوں کہ ان کے جیسے کسانوں کو کہیں جانے کی ضرورت نہیں ہے۔

وزیر اعظم مودی نے کہا کہ مجھے یقین ہے کہ کاشتکاروں کو ای۔نام سے فوائد مل رہے ہیں۔ کسان اور ڈیلر دونوں ہی ای-نام سے بہتر قیمت اور وسیع تر رسائی سے فائدہ اٹھائیں گے۔

قابل ذکر بات یہ ہے کہ ای۔نام کی شروعات 14 اپریل 2016 کو ہوئی تھی، جس کے تحت کوئی کسان اندراج کرکے اپنی پیداوار کی مناسب قیمت حاصل کرسکتا ہے اور وہ اپنے ملک میں جہاں بھی چاہے فروخت کر  سکتا ہے۔