Urdu News

نیتاجی ملائم سنگھ یادو کے انتقال پر تفریحی دنیا نے بھی غم کا اظہار کیا

نیتاجی ملائم سنگھ یادو

اتر پردیش کے سابق وزیر اعلی اور ایس پی لیڈر ملائم سنگھ یادو کا پیر کو گروگرام کے میدانتا اسپتال میں انتقال ہوگیا۔ وہ کافی عرصے سے بیمار تھے۔

ملائم سنگھ یادو کے انتقال کے بعد بالی ووڈ میں بھی سوگ کی لہر ہے۔ مشہور شخصیات سوشل میڈیا کے ذریعے ملائم سنگھ یادو کو خراج عقیدت پیش کر رہے ہیں۔

تجربہ کار اداکار انوپم کھیر نے ٹویٹ کیا اور لکھا،”ملائم سنگھ یادو جی کے انتقال کی خبر سن کر دکھ ہوا۔ مختلف تقریبات میں ان سے ملا۔ ہمیشہ خوشی سے ملے! پربھو ان کی آتما کو شانی دے“۔

اداکار راج ببر نے ٹویٹ کیا اور لکھا- “امید کی ڈورٹوٹ گئی۔ ملائم سنگھ یادو نہیں رہے۔سوشلزم کا سرشار محافظ چلا گیا، راستے جدا ہوئے لیکن باہمی احترام میں کبھی کمی نہیں آئی۔وجہ ان کی سادگی تھی جس نے کبھی کسی میں حریف نہیں دیکھا۔ مٹی کی خوشبوسمیٹے زندگی بھر جدوجہد کے  مترادف  رہے نیتا جی۔ خراج عقیدت“۔

ارملاماتونڈکر نے ٹویٹ کیا اور لکھا- ”سماجواد کو زمین پر اتارنے والے، محروم اور پسماندہ طبقے کے لئے اپنی زندگی وقف کرنے والے ملائم سنگھ یادو جی صرف ایک لیڈر نہیں بلکہ ایک نظریہ بھی تھے۔ عاجزانہ خراج تحسین۔ اکھلیش یادو جی، ان کے خاندان اور حامیوں کے تئیں گہری تعزیت“۔

اداکارہ نغمہ نے اکھلیش یادو کے ٹویٹ کا حوالہ دیا اور لکھا- “شری ملائم سنگھ یادو جی کے انتقال پر جذباتی خراج عقیدت۔ اکھلیش یادو جی ایشور آپ کو، آپ کے اہل خانہ اور ان کے چاہنے والوں کو اس سنگین نقصان کو برداشت کرنے کی طاقت دے۔ ان کی آتما کو شانتی ملے“۔ ؤ

ان سب کے علاوہ شبانہ اعظمی، اجے دیوگن، اکشے کمار سمیت تفریحی دنیا کی تمام مشہور شخصیات سوشل میڈیا کے ذریعے ملائم سنگھ یادو کو جذباتی خراج عقیدت پیش کر رہی ہیں۔

Recommended