نئی دہلی،3 جولائی 2021/ مرکزی وزارت صحت کی قومی ٹیلی میڈیسن خدمت ’’ای-سنجیونی‘نے 7 ملین (70 لاکھ) مشورے پورے کرکے ایک اور میل کا پتھر پار کرلیا ہے۔ صحت خدمات سے جڑے مشوروں کی تلاش میں مریض اس جدید ڈیجیٹل وسیلے کا استعمال کرکے یومیہ بنیاد پر ڈاکٹروں اور ماہرین کو مشورے حاصل کرتے ہیں۔ ایک دیگر اہم حصولیابی کے طور پر جون ماہ میں اس خدمت نے تقریباً 12.50 لاکھ مریضوں کی مدد کی ، جو کہ گزشتہ سال مارچ میں اس کے شروع ہونے کے بعد سے سب سے زیادہ ہے۔
فی الحال ، یہ قومی ٹیلی میڈیسن خدمات 31 ریاستوں/مرکز کے زیر انتظام علاقوں میں کام کررہی ہے۔
ای-سنجیونی اے بی-ایچ ڈبلیو سی، جو کہ ڈاکٹر-سے-ڈاکٹر کے درمیان ایک ٹیلی میڈیسن پلیٹ فارم ہے ، کو تقریباً 21 ہزار صحت اور بہبود مراکز اور تقریباً تیس ریاستوں کے ضلع اسپتالوں اور میڈیکل کالجوں میں واقع 1900 سے زیادہ ہب میں اسپوکس کے طور پر نافذ کیا گیا ہے۔ ڈاکٹر –سے-ڈاکٹر کے درمیان اس ٹیلی میڈیسن پلیٹ فارم نے 32 لاکھ سے زیادہ مریضوں کی خدمت کی ہے۔ وزارت دفاع نے بھی ای-سنجیونی او پی ڈی پر ایک قومی او پی ڈی کا اہتمام کیا ہے جہاں وازرت دفاع کے ذریعہ بلائے گئے سو سے زیادہ تجربہ کار ڈاکٹروں اور ماہرین ملک کے مریضوں کی خدمات کرتے ہیں۔
گزشتہ سال اپریل میں اس وبا کی وجہ سے قومی سطح پر لگائے گئے پہلے لاک ڈاؤن کے فوراً بعد مرکزی صحت اور خاندانی بہبود کی وزارت نے ای-سنجیونی او پی ڈی شروع کی تھی۔ ای-سنجیونی او پی ڈی ایک مریض اور ڈاکٹر کے درمیان ایک ٹیلی میڈیسن پلیٹ فارم ہے ، جو عوام کو ان کے گروہ میں ہی صحت خدمات مہیا کرتا ہے۔ ای-سنجیونی او پی ڈی پر 420 آن لائن منعقدکی جاتی ہیںَ اور یہ پلیٹ فارم اسپیشلٹی اور سپر اسپیشلٹی او پی ڈی کا انعقاد کرتا ہے۔ ساتھ ہی ان میں سے کئی اسپیشلٹی اور سپر اسپیشلٹی او پی ڈی کا انتظام پانچ ریاستوں (ہماچل پردیش، پنجاب تلنگانہ، مغربی بنگال، اتراکھنڈ) میں واقع ایمس ، لکھنو میں واقع کنگ جارج میڈیکل یونیورسٹی وغیرہ جیسے اہم اسپتالوں کے ذریعہ کیاجارہا ہے۔ گزشتہ دو ہفتوں سے پچاس ہزار سے زیادہ ای-سنجیونی خدمات کا استعمال کررہے ہیں اور تقریباً 2 ہزار ڈاکٹر یومیہ بنیاد پر ٹیلی میڈیسن کے ذریعہ مشورے دیتے ہیں۔
صحت اور خاندانی بہبود کی مرکزی وزارت اس جدید ترین قومی ٹیلی میڈیسن خدمت کی پہنچ بڑھانے کی سمت میں کام کررہی ہے ۔ گزشتہ ماہ صحت اور خاندانی بہبود کی مرکز ی وزارت نے الیکٹرانک اور آئی ٹی وزارت اور موہالی میں سی- ڈیک سے مل کر ڈیجیٹل صحت تقسیم میں دوسری طرف پڑے لوگوں کے لئے ملک بھر میں 3.7 لاکھ کامن خدمت مراکز کے ذریعہ ای-سنجیونی خدمات کا مفت فائدہ اٹھانے کی تجویز رکھی تھی۔ یکم جولائی 2021 کو ڈیجیٹل انڈیا پہل کی چھٹی سالگرہ کے موقع پر وزیراعظم کے ذریعہ ’ای-سنجیونی‘ کی ستائش کی گئی۔ وزیراعظم نے مغربی بنگال کے ورچوئل طریقے سے بات چیت شروع کی تھی جو اپنی بیمار دادی کے لئے کے جی ایم لکھنو کے ذریعہ چلائے جانے والے جیریاٹرک اور دماغی صحت سےمتعلق آن لائن او پی ڈی کے ذریعہ ’ای-سنجیونی‘ کی اسپیشلٹی خدمات کا فائدہ اٹھا رہا ہے۔
کئی ریاستوںمیں لوگوں نے سنجیونی کے فائدہ کو تیزی سے پہنچانا ہے اور اس نے صحت خدمات میں اس ڈیجیٹل طریقے کو وسیع پیمانے پر تیزی سے اپنانے کی پرجوش رجحان کو جنم دیا ہے۔ اس سے خاص طور پر دیہی علاقوں میں خصوصی خدمات تک پہنچ میں وسیع اصلاح ہوئی ہے۔ اس کے علاوہ یہ خدمت شہری علاقے کے مریضو ں کے لئے بھی کارآمد بن گئی ہے ۔ خصوصی طور سے اس وبا کی دوسری وبا کے دوران جس نے ملک میں صحت خدمات کے تقسیمی نظام پر بھاری بوجھ ڈالا ہے۔
بہت ہی کم مدت میں حکومت ہند کی اس قومی ٹیلی میڈیسن خدمات نے ڈیجیٹل صحت کے معاملے میں شہری اور دیہی ہندستان کے درمیان موجود فرق کو پر کرکے ہندستانی صحت خدمات نظام کو تعاون دینا شروع کردیا ہے۔ یہ خدمت دوسرے اور تیسرے درجے کے اسپتالوں پر بوجھ کو کم کرتے ہوئے زمینی سطح پر ڈاکٹروں اور ماہرین کی کمی کو دور کررہی ہے۔ قومی ڈیجیٹل صحت مشن کے مطابق ’ای-سنجیونی‘ ملک میں ڈیجیٹل خدمات کے ایکو سسٹم کو بھی مضبوط کررہی ہے۔
