نئی دہلی ،14؍ دسمبر

وزارت خارجہ کے مطابق، پہلی کواڈ ہیومینٹیرین اسسٹنس اینڈ ڈیزاسٹر ریلیف (ایچ اے ڈی آر)میٹنگ اور ٹیبل ٹاپ مشق کا افتتاح 13 دسمبر کو قومی دارالحکومت میں کواڈ شیرپاؤں اور سینئر عہدیداروں نے کیا۔

وزارت خارجہ کے ترجمان ارندم باغچی نے ایک ٹویٹ میں کہا کہ ہندوستان، جاپان، امریکہ اور آسٹریلیا کی ملٹی ایجنسی ٹیموں نے اس بات پر تبادلہ خیال کیا کہ وہ ہند۔بحرالکاہل خطے میں مستقبل میں ہونے والے ایچ اے ڈی آر کے واقعات کا مربوط اور موثر جواب کیسے دے سکتے ہیں۔امریکی نائب وزیر خارجہ وینڈی شرمین اور آسٹریلیا کے کواڈ شیرپا اسکاٹ دیور نے عملی طور پر میٹنگ میں حصہ لیا۔

ارندم باغچی کے ٹویٹ کے جواب میں، جاپان کی وزارت خارجہ نے ایک ٹویٹ میں کہا، “پہلی دو سالہ میٹنگ کے بعد، ہندوستان کے تحت کواڈ ایچ اے ڈی آر پارٹنرشپ کے لیے ایک ٹیبل ٹاپ مشق کا انعقاد کیا گیا۔  23 ستمبر کو آسٹریلیا، ہندوستان اور جاپان کے وزرائے خارجہ اور امریکہ کے سکریٹری خارجہ نے  نیویارک میں ایک میٹنگ کی۔

 چار ممالک کے رہنماؤں نے ‘ انڈو پیسیفک میں انسانی امداد اور قدرتی آفات سے نجات کے لیے کواڈ پارٹنرشپ  کے لیے رہنما اصولوں پر دستخط کیے ہیں۔  ایچ اے ڈی آر  میکانزم کا اعلان کواڈ لیڈروں نے مئی میں ٹوکیو میں کیا تھا۔

امریکی محکمہ خارجہ نے ایک پریس ریلیز میں کہا کہ شراکت داری کا اعلان ایک “آزاد اور کھلے ہند-بحرالکاہل کے لیے مشترکہ وژن کے حصے کے طور پر کیا گیا ہے جو جامع اور لچکدار ہے”۔ ان رہنما خطوط پر دستخط کواڈ کے تعاون میں ایک اہم لمحہ کو ظاہر کرتا ہے۔