پہلی مرتبہ اشاروں کی زبان کو نصاب کا حصہ بنایا گیا ہے: نریندر مودی

 نئی دہلی، 26ستمبر

وزیر اعظم نریندر مودی نے اتوار کو کہا کہ ملک میں پہلی بار تعلیمی نصاب میں اشاروں کی زبان کو بطور مضمون شامل کیا جا رہا ہے۔ اپنے ہفتہ وار ریڈیو ٹاک ‘ من کی بات’ میں، انہوں نے کہا کہ قومی تعلیمی پالیسی  میں اشاروں کی زبان کے لیے ایک مقررہ معیار کو برقرار رکھنے پر بہت زور دیا گیا ہے، جس کی کمی طویل عرصے سے ایک مسئلہ ہے۔

اشاروں کی زبان کا دن 23 ستمبر کو منایا جاتا ہے۔ پی ایم  مودی نے کہا  کہ بہت سے لوگ ایسے ہیں جو یا تو سن نہیں پاتے یا تقریر کے ذریعے اظہار خیال نہیں کر پاتے۔ ایسے دوستوں کے لیے سب سے بڑا سہارا اشاروں کی زبان ہے۔

 ان مشکلات کو دور کرنے کے لیے، ہندوستانی اشاروں کی زبان ریسرچ اینڈ ٹریننگ سینٹر  سال 2015 میں قائم کیا گیا ہے۔ ہریانہ سے تعلق رکھنے والی پوجا کی مثال دیتے ہوئے جو اپنے بیٹے کے ساتھ بات چیت کرنے سے قاصر تھی، وزیر اعظم نریندر مودی نے کہا کہ 2018 میں اشاروں کی زبان کی تربیت کے بعد ان کی زندگیوں میں بڑی تبدیلی آئی ہے اور اس لڑکے نے اپنے اسکول میں کہانی سنانے میں بھی انعام جیتا ہے۔

مودی نے ٹنکا کی چھ سالہ بیٹی کی مثال کو اجاگر کیا جو سن نہیں سکتی اور اب دونوں اشاروں کی زبان کا کورس کرنے کے بعد ایک دوسرے سے بات چیت کر سکتے ہیں۔ اسی طرح، کیرالہ کی منجو کے لیے جو پیدائش سے سن نہیں سکتی تھی، اشاروں کی زبان اس کے خاندان کے لیے بات چیت کا ذریعہ بن گئی۔

 بیداری بڑھانے کا مطالبہ کرتے ہوئے مودی نے کہا کہ سات سے آٹھ سال پہلے شروع ہونے والی اشاروں کی زبان کی مہم لاکھوں خصوصی طور پر معذور افراد کو فائدہ پہنچا رہی ہے۔