رانچی، 31 اگست (انڈیا نیرٹیو)

 ارگوڑا تھانہ پولیس نے نوکرانی کو زد کوب کرنے کے معاملے میں ملزمہ سابق آئی اے ایس کی بیوی سیما پاترا کو بدھ کو گرفتار کیا ہے۔سیما کو اشوک نگر میں واقع ان کے گھر سے گرفتار کیا گیا ہے۔ ہٹیا ڈی ایس پی راجا کمار مترا نے بتایا کہ خفیہ اطلاع پر رانچی پولیس نے یہ کارروائی کی اور ملزمہ خاتون کو گرفتار کر لیا۔

وہیں دوسری جانب بی جے پی نے خاتون پر عائد سنگین الزامات کے پیش نظر انہیں پارٹی سے معطل کر دیا تھا۔ سیما پاترا پارٹی سے معطل ہونے کے بعد سے فرار تھیں۔

قابل ذکر ہے کہ اشوک نگر واقع روڈ نمبر ایک میں رہنے والی سیما پاترا پرآئی پی سی کی دفعہ 323/325/346 اور 374 لگائی گئی ہے۔ سیما پر ایس سی-ایس ٹی ایکٹ کے تحت بھی مقدمہ درج کیا گیا ہے۔ ہٹیا ڈی ایس پی راجا مترا کو معاملے کی تفتیش کے لیے آئی او بنایا گیا ہے۔ ان پر الزام ہے کہ انہوں نے اپنی ملازمہ کو طویل عرصے تک اپنی رہائش گاہ پر یرغمال بنائے رکھا اور اس کے ساتھ مار پیٹ کی۔ اسے پولیس نے آزاد کرا لیا ہے۔