Urdu News

آر جے ڈی کے سابق ممبر پارلیمنٹ محمد شہاب الدین کورونا وائرس سے چل بسے

آر جے ڈی کے سابق ممبر پارلیمنٹ محمد شہاب الدین

شہاب الدین کی موت پر پارٹیوں کے لیڈران نے غم کا اظہار کیا 

پٹنہ، یکم  مئی (انڈیا نیرٹیو)

بہار میں سیوان لوک سبھا سیٹ سے آر جے ڈی کے سابق ممبر پارلیمنٹ شہاب الدین کا آج کورونا سے انتقال ہوگیا ۔ وزیر اعلیٰ سمیت تمام جماعتوں کے قائدین نے ان کی موت پرغم کا اظہار کیا ہے۔

وزیر اعلیٰ نتیش کمار نے اپنے تعزیتی پیغام میں سابق رکن پارلیمنٹ محمد شہاب الدین کی کورونا سے موت کی اطلاع پر گہرے رنج وغم کا اظہار کیاہے۔انہوں نے کہا کہ وہ طویل عرصے تک سیوان سے ایم ایل اے اور رکن پارلیمنٹ رہے تھے ۔ وزیراعلیٰ نے مرحوم کی روح اور ان کے اہل خانہ کے لیےخدا سے دعا کی ہے کہ اس غم کی گھڑی میں سوگوار خاندان اور خیر خواہوں کو صبر جمیل عطا کرے۔

بہار قانون ساز اسمبلی میں اپوزیشن لیڈر تیجسوی یادو نےاپنے تعزیتی پیغام میں کہا ہے کہ سابق ممبر پارلیمنٹ محمد شہاب الدین کی کورونا انفیکشن کی وجہ سے بے وقت انتقال کی خبریں تکلیف دہ ہیں۔ خدا انہیں جنت الفردوس میں جگہ عطا فرمائے۔ ان کے اہل خانہ اور خیر خواہوں کو بھی مدد فراہم کریں۔ ان کی موت سے پارٹی کو ناقابل تلافی نقصان ہے۔ غم کی اس گھڑی میں آر جے ڈی کنبہ ان کے اہل خانہ کے ساتھ ہے۔ 

ان کی موت پر ریاستی آرجے ڈی کے ترجمان مرتنجے تیواری نے اپنے تعزیتی پیغام میں کہا کہ آرجے ڈی کنبہ ان کےغیر وقتی انتقال پر گہرے رنج و غم کا اظہار کرتا ہے ۔ خدا اس غم کی گھڑی میں سوگوار خاندان اور خیر خواہوں کو صبر جمیل عطا کرے۔ آپ کی کمی ہمیشہ یاد رہے گی۔ اللہ پاک آپ کو جنت میں سلامت رکھے۔

سابق رکن اسمبلی پپو یادو نے اپنے تعزیتی پیغام میں کہا کہ سیوان کے شہاب الدین کو بھی آخر کورونا نے اپنے زد میں لے لیا وہ کورونا سے زیادہ نظام اور سیاست کے شکار ہوئے ہیں ۔ مطلب کے مطابق استعمال کئے گئے۔ پھر مقابلہ کرنے کے لیے اکیلا چھوڑ دیا ۔ میرا دل شہاب الدین کے اہل خانہ اور چاہنے والوں کے ساتھ ہے۔ خد ا رحم کرے ، سب کو صبر دے۔ 

Recommended