<h3 style="text-align: center;">دہشت گردوں کی کشمیر میں گھسنے کی ایک اور کوشش ناکام، جموں سری نگر شاہراہ پر چار دہشت گردوں کو کیا گیا ڈھیر</h3>
<p style="text-align: right;">سری نگر ، 19 نومبر (انڈیا نیرٹیو)</p>
<p style="text-align: right;">پولیس بیان کے مطابق مشترکہ فورسز نے <a href="https://hindi.indianarrative.com/india/4-terrorists-killed-in-an-encounter-at-nagrota-toll-plaza-jammu-kashmir-18258.html">جموں کے نگروٹا</a> کے علاقے بون ٹول پلازہ کے قریب صبح سویرے فائرنگ کے تبادلے میں 4 دہشت گردوں کو ہلاک کردیا۔ ایک پولیس عہدیدار نے بتایا کہ ایک خاص اطلاع پر کام کرتے ہوئے مشترکہ فورسز جس میں جموں وکشمیر پولیس، فوج اور سی آر پی ایف نے جمعرات کےروز صبح 5 بجے کے لگ بھگ نگروٹا کے علاقے میں جموں سری نگر شاہراہ پر بن ٹول پلازہ کے قریب ایک ٹرک کو روکا۔ ٹرک میں موجود دہشت گردوں نے مشترکہ فورسز پر فائرنگ کردی ۔</p>
<p style="text-align: right;"> فورسز کی طرف سے جوابی کارروائی کی گئی اور<a href="https://urdu.indianarrative.com/india/four-terrorists-two-dog-injured-in-jammu-16132.html"> انکاؤنٹر شروع</a> ہوگیا۔ جس کے نتیجے میں ہونے والے تصادم میں چار نامعلوم دہشت گرد مارے گئے ، اور ان کے قبضے سے اسلحہ اور گولہ بارود برآمد کرلیا گیا ۔ پولیس کے اس آفیسر نے مزید کہا کہ فائرنگ کے تبادلے میں ایک ایس او جی سپیشل آپریشن گروپ کا جوان بھی زخمی ہوا جسے اسپتال لایا گیا ہے۔ جہاں وہ مستحکم ہے۔ فائرنگ کے نتیجے میں سری نگر جموں شاہراہ پر ٹریفک بند کر دی گئی ہے ۔تاکہ پورے علاقہ کو تلاشی کے گھیرے میں لایا جائے گا۔</p>
<blockquote class="twitter-tweet">
<p dir="ltr" lang="en" style="text-align: right;">Weapons & other devices recovered from the slain terrorists. <a href="https://t.co/PK2EQULjSl">pic.twitter.com/PK2EQULjSl</a></p>
<p style="text-align: right;">— IGP Jammu (@igpjmu) <a href="https://twitter.com/igpjmu/status/1329342226116222976?ref_src=twsrc%5Etfw">November 19, 2020</a></p>
</blockquote>
<p style="text-align: right;"><script async src="https://platform.twitter.com/widgets.js" charset="utf-8"></script></p>
<p style="text-align: right;">آئی جی پی جموں نے ایک ٹویٹ میں واقعہ کی تصدیق کرتے ہوئے کہا کہ علاقے کو سیل کر دیا گیا ہے نزدیکی بستیوں میں تلاشی کرنے کے بعد ہی ٹریفک کو بحال کیا جائے گا۔ پولیس نے بتایا کہ مذکورہ ٹرک میں سوار دہشت گردوں کا گروپ وادی کشمیر جا رہا تھا۔ انہوں نے بتایا کہ ٹرک کو قبضے میں لے لیا گیا ہے اور تفتیش شروع کر دی گئی ہے۔پولیس کے مطابق تصادم کے دوران ٹرک میں آگ لگ گئی ہے۔غور طلب ہے کہ اسی سال 31 جنوری کو اسی جگہ پر ایسا ہی ایک واقعہ پیش آیا تھا۔ جب جموں کے بون ٹول پلازہ کے قریب سری نگر جموں ہائی وے پر 3 دہشت گرد ہلاک ہوگئے تھے جب وہ ایک ٹرک میں سفر کررہے تھے۔</p>
<blockquote class="twitter-tweet">
<p dir="ltr" lang="en" style="text-align: right;">Four terrorists have been neutralized and one Police Constable injured in an encounter at Ban Toll Plaza ,Jammu with <a href="https://twitter.com/hashtag/Police?src=hash&ref_src=twsrc%5Etfw">#Police</a> <a href="https://twitter.com/hashtag/CRPF?src=hash&ref_src=twsrc%5Etfw">#CRPF</a> and <a href="https://twitter.com/hashtag/Army?src=hash&ref_src=twsrc%5Etfw">#Army</a>. Area is being sanitized.</p>
<p style="text-align: right;">— IGP Jammu (@igpjmu) <a href="https://twitter.com/igpjmu/status/1329266364108861440?ref_src=twsrc%5Etfw">November 19, 2020</a></p>
</blockquote>
<p style="text-align: right;"><script async src="https://platform.twitter.com/widgets.js" charset="utf-8"></script></p>
<p style="text-align: right;">نمایندے کے مطابق اس شاہراہ پر اس طرح کے ایک درجن کے ایسے واقعات پیش آئے ہیں جس کے دوران یا تو دہشت گردوں کو مار گرایا گیا ہے یا ان کو گرفتار کرکے بھاری تعداد میں گولہ بارود برآمد کیا گیا ہے۔ فوج کے ایک اعلیٰ آفیسر نے بتایا کہ دراصل اس سال شمالی کشمیر سے لگنے والی تمام سرحدوں پر چوکسی سخت کر دی گئی ہے۔ جس کی وجہ سے دہشت گردوں کی کشمیر میں گھسنے کی تمام کوششوں کو ناکام بنانے کے علاوہ سرحدوں پر کافی تعداد میں ہتھیار ضبط کرکے ان کے حوصلے پست ہو چکے ہیں۔ یہی وجہ ہے کہ اب ان دہشت گردوں نے جموں سے لگنے والی سرحدوں سے دراندازی کرنا شروع کیا تھا۔ تاہم پچھلے ایک سال سے ان کی یہ کوشش بھی ناکام ہو رہی ہے۔</p>.
