سری نگر میں جی 20 ٹورازم ورکنگ گروپ کمیٹی کے تیسرے اجلاس کے لیے مرحلہ مکمل طور پر تیار ہے۔1986 میں شیرِ کشمیر کرکٹ اسٹیڈیم میں بھارت۔آسٹریلیا کے ایک روزہ میچ کے بعد کشمیر میں یہ پہلا سب سے بڑا بین الاقوامی ایونٹ ہے۔تین روزہ اجلاس 22 مئی سے شیر کشمیر انٹرنیشنل کانفرنس سینٹر (SKICC) میں شروع ہوگا۔

ورکنگ گروپ کا پہلا اجلاس فروری میں گجرات کے  کچھ کے رن میں ہوا تھا۔ دوسری میٹنگ 1 سے 3 اپریل تک سلی گوڑی، مغربی بنگال میں ہوئی۔اجلاس میں جی20 کے مندوبین کی ایک کہکشاں نظر آئے گی۔

 گروپ آف ٹوئنٹی دنیا کی ترقی یافتہ اور ابھرتی ہوئی معیشتوں کا ایک فورم ہے جو مجموعی طور پر عالمی اقتصادی پیداوار کا تقریباً 80% اور دنیا کی دو تہائی آبادی کی نمائندگی کرتا ہے۔یہ تقریب پانچ باہمی منسلک ترجیحی شعبوں پر توجہ مرکوز کرے گی-سبز سیاحت، ڈیجیٹلائزیشن، مہارت، سیاحت کے  ایم ایس ایم ایز اور منزل۔

مرکزی سیاحت کے سکریٹری اروند سنگھ نے کہا کہ جی 20 کے رکن ممالک، مدعو ممالک، اور بین الاقوامی تنظیمیں ان دو مسودوں کی دستاویزات پر قیمتی معلومات اور آراء دیں گی اور ان مسودوں پر جی 20 کے رکن ممالک کے ساتھ گفت و شنید کے بعد حتمی ورژن چوتھے ٹورازم ورکنگ گروپ کے اجلاس اور وزارتی اجلاس میں رکھے جائیں گے۔

 جی20 میں ارجنٹائن، آسٹریلیا، برازیل، کینیڈا، چین، فرانس، جرمنی، بھارت، انڈونیشیا، اٹلی، جاپان، جمہوریہ کوریا، میکسیکو، روس، سعودی عرب، جنوبی افریقہ، ترکی، برطانیہ، امریکہ، اور  یوروپین یونین شامل ہیں۔

جناب  اروند  سنگھ نے کہا، “سیاحت کے ورکنگ گروپ کے دو اہم ڈیلیور ایبلز پر بات چیت اور غور و خوض کیا جائے گا، جس میں پائیدار ترقی کے اہداف کے حصول کے لیے ایک گاڑی کے طور پر سیاحت کے لیے گوا روڈ میپ اور جی20 وزرائے سیاحت کا اعلامیہ شامل ہے۔