گجرات اسمبلی انتخابات 2022 کے انتخابی نتائج کی سمت کو لے کر بھارتیہ جنتا پارٹی (بی جے پی) میں جوش و خروش ہے۔ یہاں پر بی جے پی کی برتری برقرار ہے۔ اس کی وجہ سے بی جے پی میں جوش و خروش ہے اور پارٹی کو تاریخی جیت کا پورا یقین ہے۔

جمعرات کو میڈیا سے بات کرتے ہوئے مرکزی وزیر ہردیپ سنگھ پوری نے کہا کہ گجرات میں بی جے پی مکمل اکثریت کے ساتھ حکومت بنانے جا رہی ہے۔ انہوں نے کہا کہ گجرات میں بی جے پی کی جیت کی بڑے پیمانے پر توقع کی جارہی تھی۔

مرکزی وزیر جتیندر سنگھ نے پارلیمنٹ ہاؤس کے احاطے میں میڈیا سے بات کرتے ہوئے کہا کہ بی جے پی گجرات اسمبلی انتخابات یکطرفہ طور پر جیت رہی ہے۔ پی ایم مودی کی قیادت میں ملک آگے بڑھ رہا ہے، لوگوں نے ان کے حق میں ووٹ دیا ہے۔

پارلیمانی امور کے وزیر پرہلاد جوشی نے کہا کہ گجرات کے عوام بی جے پی کے ترقیاتی ماڈل پر مہر ثبت کرنے جا رہے ہیں۔ یہاں پارٹی تاریخی جیت درج کرنے جارہی ہے۔ جوشی نے کہا کہ وہ گجرات کے لوگوں کے شکر گزار ہیں جس طرح انہوں نے بی جے پی پر اعتماد کیا ہے۔

قابل ذکر ہے کہ گجرات الیکشن کمیشن کے سرکاری رجحانات کے مطابق بی جے پی 154 سیٹوں پر آگے ہے۔ وہیں کانگریس 19 سیٹوں پر آگے ہے۔ جبکہ عام آدمی پارٹی 06 سیٹوں پر آگے ہے۔ وہیں ہماچل پردیش میں کانگریس 39 سیٹوں پر آگے ہے۔ وہیں بی جے پی 26 سیٹوں پر آگے ہے۔