<div>ہریانہ کی پہلی خاتون رکن پارلیمنٹ اور پڈوچیری کی سابق لیفٹیننٹ گورنر کا انتقال</div>
<div>آخری سانس چرخی دادری میں اپنی رہائش گاہ پر لی</div>
<div>Haryana's first female MP and former Lieutenant Governor of Puducherry dies</div>
<div> ہریانہ کی سیاست میں بہت سے ریکارڈ قائم کرنے والی پہلی خاتون رکن پارلیمنٹ اور پڈوچیری کی سابق لیفٹیننٹ گورنر ، چندروتی کا اتوار کو طویل علالت کے بعد انتقال ہوگیا۔ وہ 92 سال کی تھیں۔ انہوں نے چرخی دادری میںاپنی آبائی رہائش گاہ پر آخری سانس لی۔ بعد ازاں دوپہر کے وقت ، گاو¿ں دلوواس میں ان کا سرکاری اعزاز کے ساتھ ا ٓخری رسوم ادا کی گئی۔</div>
<div> 70 کی دہائی میں جنتا پارٹی کی جانب سے بھیوانی پارلیمانی حلقہ سے انتخاب لڑتے ہوئے چرخی دادری کے گاوں ڈالاواس کی چندروتی نے ریاست کے طاقتور اور سابق سی ایم بنسی لال کو شکست دے کر ہریانہ کی پہلی خاتون رکن پارلیمنٹ بننے کا اعزاز حاصل کیاتھا۔ 1977 میں ، جب سیاست میں خواتین کی شرکت نہ ہونے کے برابر تھی ، چرخی دادری کی چندروتی نے بھیوانی لوک سبھا حلقہ کے پہلے انتخابات میں 67.62 فیصد ووٹ حاصل کرنے کا ریکارڈ قائم کیا تھا۔ آج تک اسے نہیں توڑا جا سکا۔</div>
<div> سابق لیفٹیننٹ گورنر چندراوتی نے 14 انتخابات لڑے</div>
<div>چندراوتی نے اپنی زندگی میں 14 انتخابات لڑے اور پارلیمانی سکریٹری ، ایم ایل اے ، ایم پی ، گورنر جیسے اہم عہدوں پر فائز رہیں۔ لیکن وزیر اعلی نہ بننے کا درد ہمیشہ ان کے ذہن میں رہا۔ ہریانہ کی پہلی خاتون وکیل بننے کا ریکارڈ ، پہلی خاتون قانون ساز پارٹی کی رہنما ، چندراوتی کے نام بھی ہے۔ چندروتی کا خیال تھا کہ آخری دہائیوں میں ، سیاست صاف ، واضح تھی ، اس دور میں سیاست بدعنوانی ، خاندانی اور خود غرضی کی سیاست بن چکی ہے۔</div>
<div>چندراوتی کی موت پر تعزیت کرتے ہوئے ، ہریانہ کے وزیر اعلی منوہر لال نے کہا کہ چندراوتی ہمیشہ ہی خواتین کے لئے تحریک کا باعث بنیر ہیں۔ انہوں نے ہر بار معاشرے کو نیا پیغام دینے کی کوشش کی۔ قائد حزب اختلاف اور سابق چیف منسٹر بھوپندر سنگھ ہوڈا نے کہا کہ چندراوتی اپنے واضح خیالات کے لئے جانی جاتی تھیں ۔</div>
<div></div>.