جل جیون مشن (جے جے ایم) کے تحت کاموں کو اگلے سال 15 اگست تک مکمل کرنے کے لیے، لداخ کے حکام نے لیہہ ضلع کے دور دراز علاقوں میں ہوائی جہازوں کے ذریعے ہائی ڈینسیٹی پولیتھیلین (ایچ ڈی پی ای) پائپ پہنچانا شروع کر دیا ہے، حکام نے ہفتے کے روز بتایا کہ لیہہ نے حال ہی میں فعال گھریلو نل کنکشن فراہم کرنے میں 20 فیصد کوریج حاصل کی ہے، جب کہ ضلع کے 10 دیہاتوں نے جل جیون مشن کے تحت سو فیصد پانی فراہم کیا گیا ہے۔

حکام نے بتایا کہ جے جے ایم آلات اور مواد کے ساتھ ایک پاون ہنس ہیلی کاپٹر نے جمعہ کو لیہہ کے سنگے لالاک بلاک میں برف سے ڈھکے ہوئے ڈپلنگ گاؤں تک کامیاب پرواز کی۔ ان کا کہنا تھا کہ نجی ہیلی کاپٹر کی خدمات لداخ خود مختار پہاڑی ترقیاتی کونسل (لیہہ) اور ضلع انتظامیہ لیہہ نے مانگی تھیں تاکہ دور دراز کے دیہاتوں میں جے جے ایم کے کاموں کی بروقت تکمیل کو یقینی بنایا جا سکے۔ جو ابھی تک سڑک کے رابطے کے ذریعے غیر منسلک ہیں۔اور وہاں مواد بھیجنے کا چیلنج بہت بڑا ہے۔ لیہہ ضلع کے بیشتر دیہاتوں میں کام جاری ہے کیونکہ مقامی انتظامیہ 15 اگست 2022 کی آخری تاریخ کو حاصل کرنے کے لیے تمام تر کوششیں کر رہی ہے۔