<h3 style="text-align: center;">حیدرآبادبلدیاتی انتخابات کے نتائج جاری،بی جےپی کو 48 نشستوں پرکامیابی</h3>
<p style="text-align: right;">150 پچاس ڈیویژنس کےمنجملہ 149 ڈیویژنس کے نتائج جاری کردئیے گئے جس میں حکمراں جماعت ٹی آر ایس نے 55 ، بی جے پی کو 48 ، اے آئی ایم آئی ایم کو 44 اور کانگریس نے 2 ڈیویژنس میں کامیابی حاصل کی۔</p>
<p style="text-align: right;">تلنگانہ ہائی کورٹ کے احکامات پر نریڈمیٹ ڈیویژن کے نتائج کو اگلے احکامات تک موخر کردیا گیا۔ بیلیٹ پیپر کے ذریعے رائے دہی ہونے کے باعث رات 9:30 بجے قطعی نتائج کا اعلان ہوا۔ تلنگانہ راشٹریہ سمیتی کے کارگزار صدر کے ٹی آر نے ٹی آر ایس کو اکثریت سے کامیاب کروانے پرعوام کا شکریہ ادا کیا اور ٹی آر ایس کو واحداکثریت والی پارٹی قرار دیتے ہوئے بتایا کہ مئیر ٹی آر ایس کا ہی ہوگا۔ اس سلسلے میں پارٹی سے مشاورت کے بعد قطعی فیصلہ لیا جائے گا۔</p>
<p style="text-align: right;">انہوں نے بتایا کہ ٹی آر ایس کو توقع کے مطابق کامیابی حاصل نہیں ہوپائی لیکن بہت کم ووٹوں سے شکست ہوئی۔ بھارتیہ جنتا پارٹی نے بلدی انتخابات میں پہلی مرتبہ اتنی بڑی کامیابی حاصل کی ہے۔ ہمیشہ دوسرے مقام پر رہ کر ڈپٹی مئیر کا مقام حاصل والی جماعت مجلس اتحادالمسلمین اب تیسرے مقام پر آگئی ہے دیکھنا ہوگا کہ ڈپٹی میئر کے لیےٹی آر ایس مجلس کا انتخاب کرتی ہے یا مجلس کا؟</p>.