ناگپور کی سیکس ورکر نے سیلفی اپ لوڈ کرکے مہم کی شروعات کی

چنڈی گڑھ، 9 فروری

 وزیر اعظم نریندر مودی کی قیادت میں منعقد ہونے والے جی-20 اجلاس  میں اب  ’سیلفی ود ڈاٹر‘ بھی شراکت داربننے جا رہی ہے۔  ’سیلفی ود ڈاٹر‘ مہم دنیا کے 20 ممالک میں خصوصی طور پر شروع کر دی ہے۔ سیلفی ود ڈاٹر فاؤنڈیشن کے بانی سنیل جگلان نے کہا کہ 9 جون 2015 کو جیند ضلع کے گاؤں بی بی پور سے شروع ہونے والی یہ مہم پوری دنیا میں پھیل چکی ہے۔

وزیر اعظم نریندر مودی کی من کی بات اور بیرون ملک منعقدہ پروگراموں کے دوران اس مہم کی تعریف کی وجہ سے یہ مہم ایک عالمی عوامی تحریک بن گئی ہے۔ اب’سیلفی ود ڈاٹر‘ مہم جی -20 میں اپنی شرکت کو یقینی بنانے جا رہی ہے۔

جگلان نے بتایا کہ جی-20 پروگراموں میں شامل ہونے سے پہلے یہ مہم کئی ممالک میں چل رہی ہے۔ سیلفی ود ڈاٹر مہم کا آغاز بالخصوص مذکورہ ممالک کے لیے کیا گیا ہے اور ان ممالک میں آن لائن پروگرام منعقد کرکے یہ مہم شروع کی جائے گی۔

اس کے علاوہ سنیل جگلان نے بتایا کہ سیکس ورکرز ہمارے معاشرے کا حصہ ہیں، جن کے حقوق کے لیے سیلفی ود ڈاٹر کے ذریعے آواز اٹھائی جائے گی۔ اس کے لیے ناگپور کی ایک سیکس ورکر لتا نے سب سے پہلے اپنی بیٹی پائل کے ساتھ تصویر اپ لوڈ کرکے مہم کی شروعات کی۔

سنیل جگلان نے بتایا کہ ملک میں تقریباً 10 لاکھ سیکس ورکرز ہیں اور ہم نے اپنی مہم کے ذریعے ان کے چہروں پر مسکراہٹ لانے کے لیے ان کے حقوق، تعلیم، صحت کے لیے آواز اٹھانے کا ہدف رکھا ہے۔