لوک سبھا میں کانگریس نے زرعی قوانین اور کسانوں کی تحریک کے معاملے پر التوا کی تجویز پیش کی

<p dir="RTL" style="text-align: justify;">
نئی دہلی ، 02 فروری (انڈیا نیرٹیو)</p>
<p dir="RTL" style="text-align: justify;">
 لوک سبھا میں کانگریس کے رہنما ادھیر رنجن چودھری نے زرعی اصلاحات کے قانون اور کسانوں کی تحریک کے معاملے پر التوا کی تجویز پیش کی ہے۔ اپنی التواءتجویز میں ، انہوں نے کہا کہ ایوان کی کارروائی ملتوی کریں اور پہلے کسانوں کی تحریک اور زرعی اصلاحات کے قوانین پر تبادلہ خیال کریں۔</p>
<p dir="RTL" style="text-align: justify;">
چودھری نے منگل کے روز لوک سبھا اسپیکر اوم برلا کو تحریک التواکا نوٹس دے دیا ہے۔ نوٹس میں ، انہوں نے ایوان کی کارروائی ملتوی کرکے گذشتہ مون سون کے اجلاس میں مرکزی حکومت کے ذریعہ منظور شدہ زرعی اصلاحات کے قوانین اور جاری کسانوں کی تحریک پر تبادلہ خیال کرنے کا مطالبہ کیا ہے۔</p>
<p dir="RTL" style="text-align: justify;">
چودھری کے علاوہ کانگریس کے چیف وہپ کوڈی کنیل سریش نے بھی لوک سبھا اسپیکر کو تحریک التواکا نوٹس دے دیا ہے۔ سریش نے ایوان کی کارروائی ملتوی کرتے ہوئے زرعی اصلاحات کے قوانین کے معاملے پر بات چیت کا مطالبہ کیا ہے۔</p>
<p dir="RTL" style="text-align: justify;">
دوسری طرف ، راجیہ سبھا میں کسان اور زرعی قوانین کے معاملے پر ایوان کو تین بار ملتوی کیا گیا ہے۔ جیسے ہی صبح نو بجے ایوان بالا کی کارروائی کا آغاز ہوا ، کانگریس ، ترنمول کانگریس ، بائیں بازو کی جماعتوں اور دیگر متعدد اپوزیشن جماعتوں کے رہنماوں نے زرعی اصلاحات قوانین کے معاملے پر بحث کا مطالبہ کیا۔</p>
<p dir="RTL" style="text-align: justify;">
 چیئرمین ایم وینکیا نائیڈو نے بدھ کے روز یہ مسئلہ اٹھانے کامشورہ دیا، اس کے باوجود اپوزیشن پارٹی نے ان کے مشوروں کو نظرانداز کیا اور صفر گھنٹے کی کاروائی سے واک آﺅٹ کرگئے۔ تین التواءکے بعد ایوان بالا کو بدھ کی صبح نو بجے تک ملتوی کردیا گیا۔</p>