کوئلہ، کان کنی اور پارلیمانی امور کے مرکزی وزیر جناب پرہلاد جوشی نے کہا کہ کوئلہ کی وزارت نے ملک کی بڑھتی ہوئی توانائی کی ضروریات کو پورا کرنے کے لیے کوئلے کی پیداوار کو مزید بڑھانے کے لیے متعدد اصلاحات شروع کی ہیں۔ گزشتہ آٹھ سالوں کے دوران وزارت کی اہم کامیابیوں کو اجاگر کرنےوالےکتابچے’’2014 کے بعد سے کوئلہ کی وزارت کی اصلاحات اور کامیابیاں‘‘ کا ورچوئل طور پر اجراء کرتے ہوئے، جناب جوشی نے کہا کہ کوئلے کی مجموعی پیداوار کو مزید تقویت فراہم کرنے اور حصول کے لیے کئی اہم ترین اصلاحات کی گئی ہیں۔ وزیر موصوف نے اہم پالیسی تبدیلیاں لانے کے لیے وزیر اعظم جناب نریندر مودی کی طرف سے وقتاً فوقتاً فراہم کردہ قیمتی رہنمائی کی یاد دہانی کرائی۔ جناب پرہلاد جوشی نے نشاندہی کی کہ کوئلے کے شعبے کی کامیابیاں معیشت کے دیگر طبقات کے لیے ایک ترغیب ہوں گی۔

تقریب سے خطاب کرتے ہوئے کوئلہ کے محکمے کے سیکرٹری ڈاکٹر انیل کمار جین نے کہا کہ کھانا پکانے کےلئےاستعمال ہونے والے کوئلے کی پیداوار کی اندرون ملک پیداوار کو دوگنا کرنے کی تمام کوششیں جاری ہیں۔ انہوں نے مزید کہا کہ تیزی سے بڑھتی ہوئی مانگ کے باوجود، کوئلہ کی وزارت نے مستحکم قیمتوں پر کوئلہ دستیاب کرانے کے لیے کئی اقدامات کیے ہیں۔ سکریٹری نے اقتصادی ترقی کو مزید رفتار فراہم کرنے میں کوئلے کے شعبے کے کردار پر روشنی ڈالی۔

آج یہاں منعقدہ تقریب میں وزارت کے تمام سینئر عہدیداروں نے شرکت کی۔ کول انڈیا لمیٹڈکے سی ایم ڈی اور ذیلی تنظیموں کے سربراہان نے بھی ورچوئل طور پر اس تقریب میں شرکت کی۔ کامیابیوں کی رپورٹ، جس میں 2014 سے اہم پالیسی اصلاحات، قانون کی ترامیم، تجارتی کوئلے کی کان کنی میں اختراعی کوششیں، کوئلے کی درآمد کا متبادل، فرسٹ میل کنیکٹیویٹی، کول انڈیا لمیٹڈ اور ذیلی اداروں کی کارپوریٹ سماجی ذمہ داری، ماحول دوست اقدامات، جنگلات کی مہم وغیرہ پر روشنی ڈالی گئی ہے۔ تفصیلات درج ذیل لنک پر قابل رسائی ہے: