خارجہ سکریٹری ہرش وردھن شرنگلا نے منگل کو دفتر خارجہ میں مشاورت کے لیے فرانس کے خارجہ امور کی وزارت کے سکریٹری جنرل فرانکوئس ڈیلاٹرے سے ملاقات کی۔

دونوں ممالک نے اقوام متحدہ کی سلامتی کونسل اور افغانستان سمیت علاقائی، کثیر الجہتی اور عالمی مفاد کے شعبوں میں مل کر کام کرنے پر اتفاق کیا۔وزارت خارجہ کے ترجمان ارندم باغچی نے منگل کو ایک ٹویٹ میں کہا، "خارجہ سکریٹری @harshvshringlaنے دفتر خارجہ کے مشاورت کے لیے فرانس کے سکریٹری جنرل Francois Delatreسے ملاقات کی۔"مسٹر باغچی نے مزید کہا، "دوطرفہ تعلقات کا جائزہ لیا اور علاقائی، کثیر جہتی اور عالمی مفاد کے شعبوں میں مل کر کام کرنے پر اتفاق کیا جس میں UNSC، افغانستان اور دیگر  اہم  امور شامل ہیں۔"

شرنگلا 22-23 دسمبر کو میانمار کا دو روزہ دورہ کرنے والے ہیں۔ وزارت خارجہ نے ایک بیان میں کہا کہ دورے کے دوران، خارجہ سکریٹری ریاستی انتظامی کونسل، سیاسی جماعتوں اور سول سوسائٹی کے ارکان سے بات چیت کریں گے۔ منگل کو  جاری  سرکاری ریلیز میں مزید کہا گیا کہ "میانمار کے لیے انسانی امداد سے متعلق مسائل، سیکورٹی اور ہندوستان-میانمار سرحدی خدشات، اور میانمار کی سیاسی صورتحال پر تبادلہ خیال کیا جائے گا۔