ہندوستان میں ’واد۔ وواد‘ اور ’سمواد‘  یعنی بحث  و مباحثہ اور مذاکرات کی ایک وسیع روایت رہی ہے۔ صدر ہند جناب رام ناتھ کووند نے کہا کہ آج ہمیں اس ورثے سے دوبارہ جڑنے کی ضرورت ہے۔ وہ آج نئی دہلی میں انڈیا انٹرنیشنل سینٹر (IIC) کی ڈائمنڈ جوبلی تقریبات کے موقع پر  خطاب کررہے تھے۔ صدر جمہوریہ نے کہا کہ ہندوستان کا قدیم فلسفہ، جسے ’درشن‘ کہا جاتا ہے، اکثر یہ تسلیم کیا جاتا ہے کہ وہ دوسری جگہوں پر پیدا ہونے والے بہترین فلسفیانہ کاموں سے کہیں زیادہ لطیف اور مضبوط ہے۔ انہوں نے نوٹ کیا کہ لوگ، خاص طور پر نوجوان، نہ صرف حقائق کے لحاظ سے بلکہ سچ تک پہنچنے کے لیے ضروری تنقیدی سوچ کے آلات کے لحاظ سے بھی زیادہ جاننے کے خواہشمند ہیں۔

صدر نے کہا کہ جب 1958 میں آئی آئی سی کا تصور تبادلۂ خیال کے لیے ایک بین الاقوامی پلیٹ فارم کے طور پر پیش کیا گیا تھا، تو دنیا ایک منصفانہ اور مستحکم بین الاقوامی نظام اور دو عالمی جنگوں کے وراثت کے بوجھ سے متعلق مسائل سے نمٹ رہی تھی۔ ابھرتے ہوئے بین الاقوامی نظام کو متاثر کرنے والی نئی امنگوں کے ساتھ، ایشیا اور افریقہ میں ڈی کالونائزیشن کا عمل جاری تھا۔ چونکہ عصری دنیا تبدیلی کے مرحلے سے گزر رہی ہے،  آئی سی سیجیسے فورمز زیادہ  برمحل ہو گئے ہیں۔صدر جمہوریہ نے کہا کہ اس ادارے کی بنیاد خواتین اور مردوں نے ہندوستان کے مستقبل اور بین الاقوامی تعاون کی دنیا میں اس کے کردار کے وژن کے ساتھ کی تھی۔

آئی آئی سی ایک متحرک جمہوریت کے طور پر ہندوستان کے وژن کا مطلب ہے جہاں قومی اور بین الاقوامی شرکت کے ساتھ ہم آہنگی اور افہام و تفہیم کے ماحول میں بات چیت شروع کرنا ممکن ہے۔ اس ادارے کے بانیوں کے پاس یہ دیکھنے کی دور اندیشی تھی کہ آنے والے سالوں میں کیا سامنے آسکتا ہے، اور کس طرح  آئی  آئی سی  ایک نئی قوم میں ہونے والی پیشرفت کا حصہ بن سکتا ہے اور عالمی سطح پر مباحثوں میں بھی حصہ ڈال سکتا ہے۔ اس طرح کی بحثیں وقت کے ساتھ ساتھ چلتی رہی ہیں۔ 1960 کی دہائی کے اوائل میں اپنے آغاز کے بعد سے، مرکز کے پروگراموں نے عالمی اور قومی خدشات کی عکاسی کی ہے اور متعلقہ مسائل پر بیداری پیدا کرنے اور رائے عامہ پر اثر انداز ہونے کا سلسلہ جاری رکھا ہے۔ ہندوستان کے اندر اور باہر ممتاز علمی اور ثقافتی اداروں کے ساتھ اپنے قریبی رابطوں کے ذریعے، اور دارالحکومت میں سفارتی مشنوں کے ساتھ اپنے نیٹ ورکنگ کے ذریعے،   آئی آئی سی ہندوستان اور بیرون ملک سے اسکالرز، مفکرین اور پیشہ ور افراد کو اپنی طرف متوجہ کرتا ہے۔

یہ نوٹ کرتے ہوئے کہ اپنے ڈائمنڈ جوبلی سال کے دوران  انڈیا انٹرنیشنل سیٹر نے خاص طور پر خواتین اور جنس سے متعلق پروگراموں پر توجہ مرکوز کرنے کا انتخاب کیا ہے، صدر نے کہا کہ جب ہم اپنی آزادی کی 75 ویں سالگرہ ' آزادی کا امرت مہوتسو' کے ساتھ منا رہے ہیں، تو آئیے اہم کامیابیوں کو بھی اجاگر کریں جو  خواتین اور متعدد قانونی اور سماجی اقدامات جو تبدیلی لانا چاہتے ہیں۔ انہوں نے کہا کہ ہندوستانی خواتین کی کئی مثالیں موجود ہیں جنہوں نے آزادی سے پہلے اور بعد میں کئی شیشے کی چھتیں توڑ دیں۔ آئیے ہم مریخ کے مدار مشن کی نڈر خواتین سائنسدانوں کو نہ بھولیں۔ خواتین سرکردہ کورونا واریئرز میں شامل تھیں جنہوں نے غیر معمولی لچک کا مظاہرہ کیا اور ساتھی شہریوں کو بچانے کے لیے شفا بخش ٹچ فراہم کی، اکثر اپنی جان کو خطرے میں ڈال کر دوسروں کو طبی  مدد فراہم کی۔