وزیر دفاع راج ناتھ سنگھ نے کہا ہے کہ ہندوستان اپنے سمندری مفادات کے تحفظ کے لیے پوری طرح پرعزم ہے۔ انہوں نے خوشحالی کی راہ پر آگے بڑھنے کے لیے ہند-بحرالکاہل کی سمندری صلاحیت کے موثر اور تعاون پر مبنی استعمال کی ضرورت پر زور دیا۔ انہوں نے امید ظاہر کی کہ یہ بات چیت ہند-بحرالکاہل کے لیے ملک کے مشترکہ اور اجتماعی وژن کو آگے بڑھائے گی۔ انہوں نے کہا کہ وہ سفارشات کا انتظار کر رہے ہیں، جو تین دن کے  غور و فکر کے بعد  سامنے آئیں گی۔

راج ناتھ سنگھ انڈو پیسیفک ریجنل ڈائیلاگ (آئی پی آر ڈی) کے افتتاحی سیشن سے خطاب کر رہے تھے، جو بدھ کو شروع ہونے والی ہندوستانی بحریہ کی تین روزہ آن لائن بین الاقوامی سالانہ کانفرنس تھی۔ اس کانفرنس میں سمندری چیلنجز پر تبادلہ خیال کیا جائے گا اور ان کے حل کے لیے  پالیسی طیکی جائے گی۔ انہوں نے آئی پی آر ڈی کے 2021 ایڈیشن کی کامیابی کی خواہش کی اور کہا کہ اس کانفرنس میں غور و خوض کے بعد بہتر نتائج کی توقع ہے۔ انہوں نے ہند-بحرالکاہل کے لیے ہمارے مشترکہ اور اجتماعی وژن کو آگے بڑھانے کے لیے اس ڈائیلاگ کے انعقاد میں تعاون کرنے کے لیے ہندوستانی بحریہ اور نیشنل میری ٹائم فاؤنڈیشن (این ایم ایف) کا بھی شکریہ ادا کیا۔

وزیر دفاع نے قانون پر مبنی سمندری نظام کی دیکھ بھال کی حمایت کی جیسا کہ یو این سی ایل ایس او سی 1982 کے تحت لازمی قرار دیا گیا ہے، یہ کہتے ہوئے کہ ہندوستان اپنے علاقائی پانیوں اور خصوصی اقتصادی زونوں کے سلسلے میں اپنے ملک کے جائز حقوق اور مفادات کے تحفظ کے لیے بھی پوری طرح پرعزم ہے۔ وزیر دفاع نے کہا کہ سمندر سامان کی نقل و حمل، خیالات کے تبادلے، اختراعات کو متحرک کرنے اور دنیا کو قریب لانے میں کردار ادا کر رہے ہیں۔ انہوں نے یہ بھی نوٹ کیا کہ ہند-بحرالکاہل کے تنوع کی خصوصیات متعدد ثقافتوں، نسلوں، اقتصادی ماڈلز، حکمرانی کے نظام اور متنوع امنگوں سے ہوتی ہے۔ سمندر مشترکہ بندھن کی کڑی بنے ہوئے ہیں۔

وزیر دفاع نے کہاایک طرف سمندر بنی نوع انسان کی پرورش اور ترقی کا موقع فراہم کرتا ہے تو دوسری طرف دہشت گردی، بحری قزاقی، منشیات کی اسمگلنگ اور موسمیاتی تبدیلی جیسے چیلنجز بھی پیش کرتا ہے۔ انہوں نے ان چیلنجز پر تعاون پر زور دیتے ہوئے کہا کہ اس کے بڑے بین الاقوامی اثرات ہیں۔ انہوں نے کہا کہ بحری امور پر مفادات اور مساوات کے ہم آہنگی کو تلاش کرنے کی ضرورت ہے۔ انہوں نے امید ظاہر کی کہ یہ بات چیت ہند-بحرالکاہل کے لیے ملک کے مشترکہ اور اجتماعی وژن کو آگے بڑھائے گی۔ انہوں نے کہا کہ وہ سفارشات کا انتظار کر رہے ہیں، جو تین دن کے  غور و خوضکے بعد سامنے آئیں گی۔