<h3 style="text-align: center;">ہندستان دراندازی سےنپٹناجانتاہے،پاکستان اورچین کوراج ناتھ سنگھ کاانتباہ</h3>
<h5 style="text-align: center;">India knows how to deal with infiltration, Pakistan and China warn Rajnath Singh</h5>
<p style="text-align: right;">حیدرآباد،20دسمبر،(انڈیا نیرٹیو)</p>
<p style="text-align: right;">آزادی کے بعد چارجنگوں میں شکست کے باوجود پڑوسی ملک اپنی ناپاک حرکتیں جاری رکھے ہوئے ہے۔ وہ دہشت گردی کے ذریعہ درپردہ جنگ کررہا ہے ان ناپاک حرکتوں کا جواب دینے والی سیکوریٹی فورسس کو وہ تہنیت پیش کرنا چاہتے ہیں۔</p>
<p style="text-align: right;">وزیردفاع راج ناتھ سنگھ نے حیدرآباد کے ڈنڈیگل ایرفورس اکیڈیمی کے گریجویشن پریڈ کے دوران خطاب کررہے تھے۔ ہندستانی فضائیہ کی بیشتر شاخوں سے تعلق رکھنے والے فلائٹ کیڈیٹس کی پری کمیشنگ تربیت کی تکمیل کے بعد یہ تقریب منعقد کی گئی تھی۔</p>
<p style="text-align: right;">وزیردفاع نے مہمان خصوصی کے طورپر کمبائنڈ گریجویشن پریڈ میں شرکت کی۔اس تقریب کے دوران انہوں نے گریجویٹس کو پریزیڈنٹ کمیشن بھی پیش کیا۔اس تقریب سے خطاب کرتے ہوئے انہوں نے امید ظاہر کی کہ تربیت یافتہ تمام کیڈیٹ اپنے فرائض سے انصاف کریں گے۔</p>
<p style="text-align: right;">انہوں نے بتایا کہ ملک کے دفاعی نظام میں ہندوستانی فضائیہ کی عظیم تاریخ اور اہمیت ہے ہماری سیکوریٹی فورسس، پولیس اور فوج کافی چوکسی کے ساتھ دہشت گری کا مقابلہ کررہی ہے۔ انہوں نے مزید کہا کہ وہ نہ صرف داخلی طورپر بلکہ سرحد پار بھی دہشت گردی کے مقابلہ میں مصروف ہے۔</p>
<p style="text-align: right;">بالاکوٹ میں ہندوستانی فضائیہ نے پاکستانی در اندازی کا موثرجواب دیا اور دنیا نے دہشت گردی کے خلاف ہمارے ملک کی صلاحیت کو جان لیا۔</p>
<p style="text-align: right;"> وزیر دفاع نے چین کو بھی نشانہ بنایا اور کہاکہ یہ نیا ہندوستان ہے اور وہ سرحدوں پر کسی بھی سرکشی،جارحیت اوریکطرفہ کارروائی کا جواب دینا جانتا ہے۔لداخ میں ہند۔چین تصادم کا حوالہ دیتے ہوئے انہوں نے کہا”آپ کو ہند۔چین تصادم کے بارے میں باخبر رہنے کی ضرورت ہے“۔</p>.