ہندوستان نے چینی ترجمان کے اس دعوے کو مسترد کر دیا ہے کہ ہندوستان گزشتہ سال مشرقی لداخ کی وادی گلوان میں فوجی تصادم  کا ذمہ دار تھا۔

وزارت خارجہ کے ترجمان ارندم باغچی نے جمعہ کو کہا کہ بھارت نے پچھلے سال مشرقی لداخ میں چین کے ساتھ سرحد پر ہونے والی پیش رفت پر شروع ہی سے ایک جیسی اور واضح پوزیشن رکھی ہے۔ چینی فریق نے فوجی تصادم کو ہوا دی۔ چین نے یکطرفہ طور پر صورتحال کو تبدیل کرنے کی کوشش کی۔ یہ کوشش تمام دو طرفہ معاہدوں کی خلاف ورزی تھی۔ اس کے نتیجے میں، امن اور عمومی صورتحال بری طرح بگڑ گئی۔ ترجمان نے کہا کہ چین کے اس اقدام سے دوطرفہ تعلقات بھی متاثر ہوئے ہیں۔

اپنے بیان میں ترجمان نے اس ماہ کے شروع میں چینی وزیر خارجہ وانگ یی کے ساتھ وزیر خارجہ ایس جے شنکر کی بات چیت کا حوالہ دیا۔ اس میں وزیر خارجہ نے کہا کہ بھارت توقع کرتا ہے کہ چین ایکچول لائن آف کنٹرول کے ساتھ باقی مسائل کا جلد حل تلاش کرنے کے لیے کام کرے گا۔ اس کے ساتھ ساتھ یہ دو طرفہ معاہدوں اور  مذاکرات کی مکمل تعمیل کرے گا۔

قابل ذکر ہے کہ چینی وزارت خارجہ کے ترجمان نے کہا تھا کہ گلوان وادی واقعہ بھارت کی جانب سے معاہدوں اور مذاکرات  کی خلاف ورزی ہے۔ چینی ترجمان نے دعویٰ کیا کہ بھارتی فوج نے غیر قانونی طور پر چینی علاقے میں گھس کر کنٹرول لائن آف ایکچول کو عبور کیا۔