نئی دہلی، 24 اکتوبر (انڈیا نیرٹیو)
اتوار کو اپنے ' من کی بات ' پروگرام میں اقوام متحدہ کے دن کا ذکر کرتے ہوئے وزیر اعظم نریندر مودی نے کہا کہ ہندوستان اپنے آغاز سے ہی اقوام متحدہ کے ساتھ وابستہ رہا ہے۔ ہندوستان نے آزادی سے قبل 1945 میں اقوام متحدہ کے چارٹر پر دستخط کیے تھے۔ انہوں نے کہا کہ اس زمین کو ایک بہتر اور محفوظ سیارہ بنانے میں ہندوستان کی شراکت دنیا کے لیے ایک بڑی بات ہے۔
وزیر اعظم نے کہا کہ اقوام متحدہ سے متعلق ایک منفرد پہلو یہ ہے کہ ہندوستان کی خواتین کی طاقت نے اقوام متحدہ کے اثر و رسوخ اور طاقت کو بڑھانے میں بڑا کردار ادا کیا ہے۔ 1947-48 میں، جب انسانی حقوق کا عالمگیر اعلامیہ تیار کیا جا رہا تھا، یہ لکھا جا رہا تھا- " تمام مردوں کو برابر بنایا گیا ہے "، لیکن ہندوستان کے نمائندے نے اس پر اعتراض کیا اور پھر یہ عالمگیر اعلامیہ میں لکھا گیا- " تمام انسان برابر ہیں " انہوں نے مزید کہا کہ بطور نمائندہ، ہنسا مہتا کی وجہ سے یہ ممکن ہوپایا۔
اپنے ' من کی بات ' پروگرام کی 82 ویں قسط میں، وزیر اعظم نریندر مودی نے مزید کہا کہ صنفی مساوات ہندوستان کی ایک پرانی روایت ہے۔ اس تناظر میں لکشمی مینن کا حوالہ دیتے ہوئے انہوں نے کہا کہ لکشمی مینن نے صنفی مساوات کے معاملے پر سختی سے بات کی تھی۔
نریندر مودی نے کہا کہ ہمیں فخر ہے کہ ہندوستان 1950 کی دہائی سے مسلسل اقوام متحدہ کے امن مشن کا حصہ رہا ہے۔ بھارت غربت کے خاتمے، ماحولیاتی تبدیلی اور مزدور سے متعلق مسائل میں بھی اہم کردار ادا کر رہا ہے۔
انہوں نے مزید کہا کہ اس کے علاوہ ہندوستان یوگا اور آیوش کو مقبول بنانے کے لیے عالمی ادارہ صحت کے ساتھ مل کر کام کر رہا ہے۔ مارچ 2021 میں، ڈبلیو ایچ او نے اعلان کیا کہ روایتی ادویات کا عالمی مرکز ہندوستان میں قائم کیا جائے گا۔
اقوام متحدہ کا حوالہ دیتے ہوئے وزیر اعظم نریندر مودی نے سابق وزیر اعظم اٹل بہاری واجپئی کو بھی یاد کیا۔ انہوں نے کہا کہ اقوام متحدہ کے بارے میں بات کرتے ہوئے مجھے اٹل جی کے الفاظ بھی یاد آ رہے ہیں۔ 1977 میں انہوں نے اقوام متحدہ سے ہندی میں خطاب کر کے تاریخ رقم کی۔
اپنے خطاب کے دوران انہوں نے 'من کی بات' کے سامعین سے اٹل بہاری واجپئی کے ایڈریس سے ایک اقتباس پڑھ کر سنائی۔ "ہماری کامیابیوں اور ناکامیوں کادارومدار صرف ایک کسوٹی ہے کہ ہم پورے انسانی سماج کو انصاف اور وقار کی یقین دہانی کرپارہے ہیں یانہیں۔ "قابل ذکر ہے کہ ' اقوام متحدہ کا دن ' 24 اکتوبر کو منایا جاتا ہے۔
